മെഗാസ്റ്റാര്‍ മമ്മൂട്ടി നായകനാകുന്ന ദ് പ്രീസ്റ്റിലെ നസ്രേത്തിന്‍ നാട്ടിലെ… എന്ന ഗാനത്തിന്റെ ലിറിക്കല്‍ വീഡിയോ പുറത്തുവിട്ടു. മമ്മൂട്ടിയും മഞ്ജുവാര്യരും ചേര്‍ന്ന് അവരവരുടെ ഫെയ്‌സ്ബുക്ക് പോസ്റ്റിലൂടെയാണ് റിലീസ് ചെയ്തത്. ഹരിനാരായണന്റെ വരികള്‍ക്ക് രാഹുല്‍രാജാണ് സംഗീതം നല്കിയിരിക്കുന്നത്. ബേബി നിയാ ചാര്‍ളിയും മെറിന്‍ ഗ്രിഗറിയും ചേര്‍ന്നാണ് ഗാനം ആലപിച്ചിരിക്കുന്നത്.
നവാഗതനായ ജോഫിന്‍ ടി ചാക്കോയാണ് ഈ ചിത്രത്തിന്റെ തിരക്കഥയും സംവിധാനവും നിര്‍വ്വഹിച്ചിരിക്കുന്നത്. ഒരു പുരോഹിതന്റെ വേഷത്തിലാണ് മമ്മൂട്ടി പ്രത്യക്ഷപ്പെടുന്നത്. ആന്റോ ജോസഫ് ഫിലിം കമ്പനിയുടെയും ആര്‍ഡി ഇല്യുമിനേഷന്‍സിന്റെയും ബാനറില്‍ ആന്റോ ജോസഫ്, ബി. ഉണ്ണികൃഷ്ണന്‍, വി.എന്‍. ബാബു എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. മമ്മൂട്ടി, മഞ്ജുവാര്യര്‍ എന്നിവരെക്കൂടാതെ നിഖില വിമല്‍, സാനിയ ഇയ്യപ്പന്‍, ബേബി മോണിക്ക തുടങ്ങിയവരാണ് ചിത്രത്തിലെ മറ്റ് പ്രധാന അഭിനേതാക്കള്‍.
Recent Comments