സാജു നവോദയ ദുബായില്‍ ഒരു പൊതുപരിപാടിയില്‍ പങ്കെടുക്കാന്‍ എത്തിയതായിരുന്നു. വേദിയില്‍വച്ച് പിറന്നാള്‍ ആഘോഷത്തിനിടെ സര്‍പ്രൈസായി വന്ന് താരത്തെ ഞെട്ടിച്ച ഭാര്യ രശ്മിയുടെ വീഡിയോയാണ് ഇപ്പോള്‍ വൈറലാകുന്നത്.
പൊതുപരിപാടിയില്‍ ചടങ്ങിനൊപ്പം നടന്റെ പിറന്നാള്‍ ആഘോഷിക്കാനും സംഘാടകര്‍ പദ്ധതിയിട്ടിരുന്നു. സാജു അറിയാതെ ഭാര്യ രശ്മിയെയും സംഘാടകര്‍ ദുബായില്‍ എത്തിക്കുകയായിരുന്നു. പിറന്നാള്‍ ആഘോഷങ്ങള്‍ക്കിയടിയില്‍ ഭാര്യ ഇപ്പോള്‍ അരികിലുണ്ടായിരുന്നെങ്കിലെന്ന് ഒരുപാട് ആഗ്രഹിക്കുന്നുണ്ടെന്ന് പറഞ്ഞ താരം തന്റെ നെഞ്ചില്‍ പച്ചകുത്തിയ ഭാര്യയുടെ ചിത്രവും പ്രേക്ഷകരെ കാണിക്കുകയുണ്ടായി. പെട്ടെന്നാണ് പര്‍ദ്ദ ധരിച്ചുകൊണ്ട് ഒരു സ്ത്രീ സാജുവിന്റെ അരികിലേയ്ക്ക് എത്തുന്നത്. പര്‍ദ്ദ മാറ്റിയതും ഭാര്യ രശ്മി മുന്നി. ഏറെ വൈകാരികമായിരുന്നു ആ നിമിഷങ്ങള്‍. സന്തോഷത്തോടെ കണ്ണുനിറഞ്ഞ് ഭാര്യയെ ചേര്‍ത്തുപിടിക്കുന്ന സാജുവിന്റെ വീഡിയോ സമൂഹമാധ്യമങ്ങളില്‍ വൈറലായി മാറി.
Recent Comments