തിരുവനന്തപുരം വാമനപുരത്ത് മുഖ്യമന്ത്രി പിണറായിവിജയന്റെ വാഹനവ്യൂഹം അപകടത്തില്‍പ്പെട്ടു. തിങ്കളാഴ്ച വൈകിട്ടാണ് അപകടമുണ്ടായത്. മുഖ്യമന്ത്രിയുടെ വാഹനമടക്കം 5 വാഹനങ്ങള്‍ കൂട്ടിയിടിച്ചു. മുഖ്യമന്ത്രിയുടെ കാറിന് നേരിയ തകരാറുണ്ട്. കുറുകെ ചാടിയ സ്‌കൂട്ടര്‍ യാത്രക്കാരിയെ രക്ഷപ്പെടുത്താന്‍ ശ്രമിച്ചപ്പോഴാണ് അപകടമുണ്ടായത്.
അറ്റിങ്ങല്‍ ഭാഗത്തേയ്ക്ക് പോകുന്ന റോഡില്‍നിന്ന് കയറി വന്ന സ്‌കൂട്ടറാണ് മുഖ്യമന്ത്രിയുടെ വാഹനവ്യൂഹത്തിന് മുന്നിലെത്തിയത്. അവരെ ര7ിക്കാനായി പൈറ്റ് പോയ പോലീസ് വാഹനം പെട്ടെന്ന് ബ്രേക്ക് ചവിട്ടുകയായിരുന്നു. ഇതിന് പിന്നാലെ മുഖ്യമന്ത്രി സഞ്ചരിച്ച വാഹനമടക്കം 5 വാഹനങ്ങള്‍ ഒന്നിനു പിറകെ ഒന്നായി കൂട്ടിയിടിച്ചു. അല്‍പ്പം കഴിഞ്ഞ് മുഖ്യമന്ത്രിയുടെ വാഹനം യാത്ര തുടര്‍ന്നു. കോട്ടയത്ത് നിന്ന് തിരുവനന്തപുരത്തേക്ക് യാത്രയിലായിരുന്നു മുഖ്യമന്ത്രി. അപകടത്തില്‍ ആര്‍ക്കും പരിക്കില്ല.
Recent Comments