ഫഹദ് ഫാസിലും വലിവേലുവും പ്രധാന കഥാപാത്രങ്ങളാകുന്ന പുതിയ ചിത്രം മാരീചന്റെ പോസ്റ്റര്‍ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍. സുധീഷ് ശങ്കറാണ് ചിത്രം സംവിധാനം ചെയ്യുന്നത്.
കഴിഞ്ഞ വര്‍ഷം റിലീസ് ചെയ്ത മാമന്നന്‍ ഗൗരവമുള്ള ജാതിരാഷ്ട്രീയം പറഞ്ഞ പൊളിറ്റിക്കല്‍ ഡ്രാമ ആയിരുന്നെങ്കില്‍ മാരീചന്‍ കോമഡിക്ക് പ്രാധാന്യമുള്ള ഒരു റോഡ് മൂവി ആയിരിക്കുമെന്നാണ് കരുതപ്പെടുന്നത്. മാമന്നനില്‍ ഫഹദ് ഫാസില്‍ പ്രതിനായകവേഷത്തിലാണ് പ്രത്യക്ഷപ്പെട്ടത്. ഉദയനിധി സ്ഥാലിനാണ് നായകനായും വടിവേലു സുപ്രധാന കഥാപാത്രത്തെയാണ് അവതരിപ്പിച്ചിരുന്നത്.
ദീപാവലി പ്രമാണിച്ച്‌ ചിത്രത്തിന്റെ രണ്ട് സ്‌പെഷ്യല്‍ പോസ്റ്റകളാണ് പുറത്തുവിട്ടത്. ഒന്ന് ഒരു പഴയ ബൈക്കില്‍ പോകുന്ന ഫഹദിന്റെയും വടിവേലുവിന്റെയും കഥാപാത്രങ്ങളെ കാണാം. ഫഹദാണ് വണ്ടി ഓടിക്കുന്നത്. രണ്ടാമത്തേത് ഇരുവരും അന്യോന്യം മുത്തോട് മുഖംനോക്കി ചിരിക്കുന്നതാണ്.
സൂപ്പര്‍ഗുഡ് ഫിലിംസിന്റെ ബാനറില്‍ ആര്‍ബി ചൗധരിയാണ് ചിത്രം നിര്‍മ്മിക്കുന്നത്. നേരത്തെ തമിഴ് ചിത്രം ആറുമനമേ, ദിലീപ് നായകനായ മലയാള ചിത്രം വില്ലാളി വീരന്‍ എന്നീ ചിത്രങ്ങള്‍ ഒരുക്കിയ സംവിധായകനാണ് സുധീഷ് ശങ്കര്‍. നിരവധി ഹിറ്റുകള്‍ സിനിമാലോകത്തിന് സമ്മാനിച്ചിട്ടുള്ള സൂപ്പര്‍ഗുഡ് ഫിലിംസിന്റെ 98-ാമത്തെ ചിത്രമാണ് മാരീചന്‍. കലൈസെല്‍വന്‍ ശിവജിയാണ് ചിത്രത്തിന്റെ ഛായാഗ്രഹണം. എഡിറ്റിംഗ് ശ്രീജിത്ത് സാരംഗും സംഗീത സംവിധാനം യുവന്‍ ശങ്കര്‍ രാജയുമാണ്. രജനി ചിത്രം വേട്ടൈയന്‍ ആണ് ഫഹദിന്റേതായി തമിഴില്‍ അവസാനം ഇറങ്ങിയ ചിത്രം.
Recent Comments