കേരള പിറവി ദിനമായ ഇന്ന് (നവംബര്‍ 1) മോഹന്‍ലാല്‍ ചിത്രം എമ്പുരാന്റെ റിലീസ് തീയതി പ്രഖ്യാപിച്ച് പൃഥ്വിരാജ് സുകുമാരന്‍. 2025 മാര്‍ച്ച് 27 ന് ചിത്രം ലോകവ്യാപകമായി തീയേറ്ററുകളില്‍ പ്രദര്‍ശനത്തിനെത്തും. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലായിട്ടാണ് ചിത്രം എത്തുക.
കാതുകമുണര്‍ത്തുന്ന ഒരു പോസ്റ്ററിലാണ് റിലീസ് തീയതി പ്രഖ്യാപിച്ചിരിക്കുന്നത്. പോസ്റ്ററില്‍ വെള്ള ഷര്‍ട്ടണിഞ്ഞ് തിരിഞ്ഞു നില്‍ക്കുന്ന ഒരാളെയാണ് കാണാന്‍ കഴിയുക.
View this post on Instagram
ലൂസിഫറിന്റെ വന്‍ വിജയത്തിന് പിന്നാലെ 2019 ല്‍ പ്രഖ്യാപിച്ച സിനിമയുടെ ചിത്രീകരണം ആരംഭിച്ചത് 2023 ഒക്ടോബറിലായിരുന്നു. ഇരുപതോളം വിദേശരാജ്യങ്ങളിലാണ് സിനിമ ചിത്രീകരിച്ചിരിക്കുന്നതെന്നാണ് റിപ്പോര്‍ട്ട്. യുകെ, യുഎസ് എന്നിവിടങ്ങള്‍ക്കൊപ്പം റഷ്യയും ചിത്രത്തിന്റെ പ്രധാന ലൊക്കേഷനാണ്. ലൂസിഫറിലെ അഭിനേതാക്കളായ പൃഥ്വിരാജ്, ടൊവിനോ തോമസ്, മഞ്ജു വാര്യര്‍, ശശികപൂര്‍, ഇന്ദ്രജിത്ത്, ബൈജു സന്തോഷ്, സാനി ഇയ്യപ്പന്‍ തുടങ്ങിയവരും ചിത്രത്തിലെ പ്രധാന കഥാപാത്രങ്ങളാണ്.
ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരും ലൈക്കാ പ്രൊഡക്ഷന്റെ ബാനറില്‍ സുഭാസ്‌കരനും ചേര്‍ന്ന് നിര്‍മ്മിക്കുന്ന എമ്പുരാന്‍ പൃഥ്വിരാജാണ് സംവിധാനം ചെയ്യുന്നത്. മുരളി ഗോപിയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
Recent Comments