മേഘ്‌ന ഗുല്‍സാര്‍ സംവിധാനം ചെയ്യുന്ന പുതിയ ചിത്രത്തില്‍ നായകനായി പൃഥ്വിരാജ് എത്തുന്നു. ചിത്രത്തില്‍ പൃഥ്വിരാജ് ഒരു പോലീസ് ഓഫീസറുടെ വേഷത്തിലായിരിക്കും പ്രത്യക്ഷപ്പെടുക എന്നാണ് അറിയുന്നത്. ആയുഷ്മാന്‍ ഖുറാനയാണ് ചിത്രത്തിലെ നായകനായി മുമ്പ് നിശ്ചയിച്ചിരുന്നത്. ഡേറ്റ് ക്ലാഷ് കാരണം ചിത്രത്തില്‍നിന്ന് ആയുഷ്മാന്‍ ഖുറാന പിന്മാറുകയായിരുന്നു.
2012 ല്‍ പുറത്തിറങ്ങിയ അയ്യാ ആയിരുന്നു പൃഥ്വിരാജിന്റെ ബോളിവുഡ് അരങ്ങേറ്റചിത്രം. സച്ചിന്‍ കുന്ദല്‍കര്‍ ആയിരുന്നു ചിത്രത്തിന്റെ സംവിധായകന്‍. റാണി മുഖര്‍ജിയായിരുന്നു നായിക. അക്ഷയ് കുമാറും ടൈഗര്‍ ഷ്‌റോഫും നായകന്മാരായി എത്തിയ ബഡേ മിയാന്‍ ചോട്ടെ മിയാനാണ് പൃഥ്വിരാജിന്റേതായി പുറത്തിറങ്ങിയ ബോളിവുഡ് ചിത്രം. ചിത്രത്തില്‍ പ്രതിനായകനായിട്ടാണ് പൃഥ്വി പ്രത്യക്ഷപ്പെടുന്നത്.
മലയാളത്തില്‍ പൃഥ്വിരാജിന്റേതായി പുറത്തിറങ്ങിയ ചിത്രമാണ് ഗുരുവായൂര്‍ അമ്പലനടയില്‍. വിപിന്‍ദാസാണ് സംവിധായകന്‍. പൃഥ്വിരാജ് പ്രൊഡക്ഷന്‍സും ഇ4 എന്റര്‍ടെയിന്‍മെന്റും ചേര്‍ന്നാണ് ചിത്രം നിര്‍മ്മിച്ചത്.
Recent Comments