ഇന്ത്യന്‍ സിനിമാപ്രേക്ഷകര്‍ ആകാംക്ഷയോടെ കാത്തിരിക്കുന്ന പുഷ്പ 2 എത്താന്‍ ഇനി 30 ദിനങ്ങള്‍ മാത്രം. ഡിസംബര്‍ അഞ്ചിനാണ് ചിത്രം തീയേറ്ററുകളില്‍ പ്രദര്‍ശനത്തിനെത്തുന്നത്. ചിത്രം കേരളത്തില്‍ പ്രദര്‍ശനത്തിനെത്തിക്കുന്നത് ഇ4 എന്റര്‍ടെയിന്‍മെന്റ്‌സാണ്. കേരളത്തിലെ തീയേറ്ററുകളില്‍ ഡിസംബര്‍ 5 മുതല്‍ 24 മണിക്കൂറും പ്രദര്‍ശനമുണ്ടാകുമെന്ന് ഇ4 എന്റര്‍ടെയിന്‍മെന്റ്‌സ് സാരഥി മുകേഷ് ആര്. മേത്ത അറിയിച്ചിരുന്നു. കൂടാതെ ലോകമെങ്ങും ഫാന്‍സ് ഷോകള്‍ക്കുള്ള ടിക്കറ്റുകള്‍ വിറ്റുപോയിക്കൊണ്ടിരിക്കുകയാണ്.
ചിത്രത്തിന്റെ വരവറിയിച്ച് ചിത്രത്തിന്റെ പുതിയ പോസ്റ്റര്‍ പുറത്ത് വിട്ടിരിക്കുകയാണ് അറിയറക്കാര്‍. അല്ലു അര്‍ജുന്‍ അവതരിപ്പിക്കുന്ന പുഷ്പരാജും ഫഹദ് ഫാസില്‍ അവതരിപ്പിക്കുന്ന ഭന്‍വര്‍സിങ്ങും മുഖത്തോടുമുഖം നോക്കി നില്‍ക്കുന്നതായി പോസ്റ്ററില്‍ കാണാം. ചിത്രത്തിന്റെ ട്രെയിലര്‍ ഉടന്‍ പുറത്തിറങ്ങുമെന്നും അണിയറപ്രവര്‍ത്തകര്‍ പോസ്റ്ററിലൂടെ അറിയിച്ചിട്ടുണ്ട്.
പുഷ്പ 2 ഇതിനകം 1000 കോടി രൂപയുടെ പ്രീ-റിലീസ് ബിസിനസ് നേടിക്കഴിഞ്ഞുവെന്നാണ് ട്രേഡ് അനലിസ്റ്റുകള്‍ പുറത്തുവിട്ടിരിക്കുന്ന റിപ്പോര്‍ട്ട്.
അല്ലു അര്‍ജുന്‍, രശ്മിക മന്ദാന, ഫഹദ് ഫാസില്‍, സുനില്‍, ജഗപതി ബാബു, പ്രകാശ് രാജ് തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. കഥ-തിരക്കഥ-സംവിധാനം സുകുമാര്‍ ബന്ദ് റെഡ്ഡി, ഡി.ഒ.പി മിറെസ്ലോ ക്യൂബ ബ്രോസെക്, സംഗീതം ദേവി ശ്രീ പ്രസാദ്, നിര്‍മ്മാതാക്കള്‍ നവീന്‍ യെര്‍നേനി, രവി ശങ്കര്‍ യലമഞ്ചിലി, പ്രൊഡക്ഷന്‍ ഡിസൈനര്‍ എസ്. രാമകൃഷ്ണ മോണിക്ക നിഗോത്രേ, ഗാനരചന ചന്ദ്രബോസ്, ബാനറുകള്‍ മൈത്രി മൂവി മേക്കേഴ്‌സ്, പി.ആര്.ഒ ഏലൂരു ശ്രീനു, മാധുരി മധു, ആതിര ദില്‍ജിത്ത്, മാര്‍ക്കറ്റിംഗ് ഫസ്റ്റ് ഷോ.
Recent Comments