അനുഷ്‌കയെ കേന്ദ്രകഥാപാത്രമാക്കി ക്രിഷ ജാഗര്‍ലമുഡി സംവിധാനം നിര്‍വ്വഹിക്കുന്ന ഘാട്ടിയുടെ ടീസര്‍ റിലീസ് ചെയ്തു. അനുഷ്‌കയുടെ ജന്മദിനത്തോടനുബന്ധിച്ചാണ് ടിസര്‍ റിലീസ് ചെയ്തത്. വയലന്‍സിന് ഏറെ പ്രാധാന്യമുള്ള ചിത്രത്തില്‍ ശക്തമായ വേഷത്തിലാണ് അനുഷ്‌ക എത്തുന്നത്. ടീസറില്‍ എതിരാളിയുടെ കഴുത്തറുക്കുന്ന അനുഷ്‌കയെയാണ് കാണാന്‍ കഴിയുക. യുവി ക്രിയേഷന്‍സിന്റെ ബാനറില്‍ രാജീവ് റെഡ്ഡിയും സായ് ബാബു ജാഗര്‍ലമുഡിയും ചേര്‍ന്നാണ് ചിത്രം നിര്‍മ്മിക്കുന്നത്.
വേദം എന്ന ബ്ലോക്ക് ബസ്റ്റര്‍ ചിത്രത്തിനുശേഷം അനുഷ്‌കയും കൃഷും ഒന്നിക്കുന്ന ചിത്രമാണിത്. യുവി ക്രിയേഷന്‍സിന്റെ ബാനറില്‍ അനുഷ്‌ക അഭിനയിക്കുന്ന നാലാമത്തെ ചിത്രവുമാണ്. മികച്ച സാങ്കേതിക നിലവാരമുള്ള വലിയ കാന്‍വാസില്‍ ഒരുക്കുന്ന ചിത്രം തെലുങ്ക്, കന്നഡ, തമിഴ്, മലയാളം, ഹിന്ദി എന്നീ ഭാഷകളിലാണ് പുറത്തിറങ്ങുന്നത്.
Recent Comments