ബെന്‍ഹര്‍ ഫിലിംസിന്റെ ബാനറില്‍ ബിജു ആന്റണി നിര്‍മ്മിച്ച് സിന്റോ സണ്ണി സംവിധാനം ചെയ്യുന്ന പുഞ്ചിരി മുറ്റത്ത് ഇട്ടിക്കോര എന്ന സിനിമയുടെ ചിത്രീകരണം കൊച്ചിയില്‍ ആരംഭിച്ചു.
നഗരജീവിതത്തിന്റെ തിരക്കില്‍ ബന്ധങ്ങളും, സൗഹൃദങ്ങളുമെല്ലാം നഷ്ട്ടപ്പെട്ടുപോകുന്ന ഒരു സംഘം മനുഷ്യരുടെ ഇടയിലേക്ക് തികച്ചും അപ്രതീക്ഷിതമായി പുഞ്ചിരി മുറ്റത്ത് ഇട്ടിക്കോര എന്നൊരാള്‍ കടന്നു വരുന്നു. ഇട്ടിക്കോര പിന്നീട് അവിടുത്തെ മനുഷ്യരുമായി ഏറെ ആത്മബന്ധത്തിലായി. അയാള്‍ അവരിലൊരാളായി മാറി. പിന്നീട് ഈ നാട്ടിലുണ്ടാകുന്ന അത്ഭുതകരമായ മാറ്റങ്ങളാണ് ഈ ചിത്രത്തിലൂടെ അവതരിപ്പിക്കുന്നത്. ഗൗരവമായ ഒരു വിഷയം തികഞ്ഞ നര്‍മ്മമുഹൂര്‍ത്തങ്ങളിലൂടെ അവതരിപ്പിക്കുകയാണ് ഈ ചിത്രത്തിലൂടെ.
മനുഷ്യന്റെ മനസ്സില്‍ നന്‍മയുടെ വെളിച്ചം പകരുന്ന നിരവധി മുഹൂര്‍ത്തങ്ങള്‍ കോര്‍ത്തിണക്കിയ ചിത്രം കൂടിയായിരിക്കുമിത്. ഇട്ടിക്കോരയെന്ന കേന്ദ്ര കഥപാത്രത്തെ കെ.യു.മനോജ് അവതരിപ്പിക്കുന്നു. ഈ ചിത്രത്തിലൂടെ കെ.യു. മനോജ് മെയിന്‍ സ്ടീംസിനിമയുടെ മുന്‍നിരയിലേക്കു കടന്നു വരികയാണ്.
ഹന്നാ റെജി കോശിയാണ് നായിക. രജനീകാന്ത് ചിത്രമായ വേട്ടയാനില്‍ മുഖ്യ വേഷമണിഞ്ഞ തന്‍മയസോള്‍ ഈ ചിത്രത്തില്‍ സുപ്രധാനമായ ഒരു കഥാപാത്രത്തെ അവതരിപ്പിക്കുന്നു. ജാഫര്‍ ഇടുക്കി, ജയിംസ് എല്യ, വിനീത് തട്ടില്‍, പ്രമോദ് വെളിയനാട്, സജിന്‍ ചെറുകയില്‍ കലാഭവന്‍ റഹ്‌മാന്‍, ശ്രീധന്യ, ആര്‍ട്ടിസ്റ്റ് കുട്ടപ്പന്‍, മനോഹരിയമ്മ. പൗളി വത്സന്‍. ഷിനു ശ്യാമളന്‍, ജസ്‌നിയാ കെ. ജയദീഷ്, തുഷാരാ, അരുണ്‍ സോള്‍, പ്രിയാ കോഴിക്കോട് എന്നിവരും പ്രധാന വേഷങ്ങളിലെത്തുന്നു.
ബിജു ആന്റണി യുടേതാണ് കഥയും തിരക്കഥയും, സംഭാഷണവും, സംഗീതം- ശങ്കര്‍ ശര്‍മ്മ, ഛായാഗ്രഹണം- റോജോ തോമസ്, എഡിറ്റിംഗ്- അരുണ്‍ ആര്‍.എസ്., കലാസംവിധാനം സൂരജ് കുറവിലങ്ങാട്, മേക്കപ്പ്- കിരണ്‍ രാജ്, കോസ്റ്റ്യും ഡിസൈന്‍- സുജിത് മട്ടന്നൂര്‍, ചീഫ് അസ്സോസ്സിയേറ്റ് ഡയറക്ടര്‍- ഷാബില്‍ അസീസ്, അസ്സോസ്സിയേറ്റ് ഡയറക്ടര്‍- സച്ചി ഉണ്ണികൃഷ്ണന്‍, ക്രിയേറ്റീവ് കോണ്‍ട്രിബ്യൂട്ടര്‍- മജുരാമന്‍, പ്രൊഡക്ഷന്‍ എക്‌സിക്കുട്ടീവ്- പ്രശാന്ത് കോടനാട്, പ്രൊഡക്ഷന്‍ കണ്‍ട്രോളര്‍- സഫി ആയൂര്‍, പി.ആര്‍.ഒ വാഴൂര്‍ ജോസ്, ഫോട്ടോ- അജിഷ്.
തൃപ്പൂണിത്തുറയിലും പരിസരങ്ങളിലുമായി സിനിമയുടെ ചിത്രീകരണം പുരോഗമിക്കുന്നു.
Recent Comments