ശിവകാര്‍ത്തികേയന്‍ ചിത്രം അമരന്‍ സൂപ്പര്‍ഹിറ്റായി പ്രദര്‍ശനം തുടരുകയാണ്. അത്യധികം ആവേശത്തോടെയാണ് ആര്‍മി യൂണിഫോം ശിവകാര്‍ത്തികേയന്‍ ധരിച്ചത്. ഇപ്പോഴിതാ താരത്തിന്റേതായി രസകരമായ ഒരു വീഡിയോയാണ് ശ്രദ്ധയാകര്‍ഷിക്കുന്നത്.
അമരനിലെ മേജര്‍ മുകുന്ദ് വരദരാജിന്റെ വേഷത്തില്‍ ശിവകാര്‍ത്തികേയന്‍ ഭാര്യ ആര്‍തിയുടെ മുന്നില്‍ പ്രത്യക്ഷപ്പെടുന്നതും ഭാര്യ അമ്പരക്കുന്നതുമായിട്ടുള്ള വീഡിയോയാണ് പ്രചരിക്കുന്നത്. ആര്‍തി അടുക്കളയില്‍ എന്തോ ജോലിയിലാണ്. ്‌പ്പോള്‍ ശിവകാര്‍ത്തികേയന്‍ ആര്‍മി യൂണിഫോമില്‍ തന്റെ ഭാര്യ ആര്‍തിയെ അക്ഷരാര്‍ത്ഥത്തില്‍ അമ്പരപ്പിക്കുന്നതാണ് വീഡിയോയില്‍ കാണുന്നത്.
Major Sivakarthikeyan 😍❤️#Amaran pic.twitter.com/by9gVIlcIz
— FafduMani (@_FafDuMani_) November 13, 2024
സിനിമ സ്വീകരിക്കാന്‍ കാരണം യൂണിഫോമായിരുന്നുവെന്ന് പറഞ്ഞിരുന്ന ശിവകാര്‍ത്തികേയന്‍ മേജര്‍ മുകുന്ദ് വരദരാജിന് തന്റെ അച്ഛനുമായി സാമ്യമുണ്ടെന്നും ചൂണ്ടിക്കാട്ടിയിരുന്നു. കളറേ മാറുന്നുള്ളൂ, ഉത്തരവാദിത്തം ഒന്നാണ്. ഞാന്‍ ആ സിനിമ സ്വീകരിക്കുമ്പോള്‍ വരുന്ന വെല്ലുവിളികള്‍ ബോധ്യമുണ്ടായിരുന്നു. യൂണിഫോം ധരിക്കാന്‍ താന്‍ സ്വയംതന്നെ പരിശീലിച്ചു. യഥാര്‍ത്ഥ ഒരു വ്യക്തിയുടെ കഥ ആയതിനാല്‍ സിനിമ സുഹൃത്തുക്കളും അടുപ്പമുള്ളവരും കാണും. പക്ഷേ യൂണിഫോം താന്‍ ധരിച്ചപ്പോള്‍ ഒരു ഹീറോയായി അനുഭവപ്പെട്ടു. മുകുന്ദായി ഞാന്‍ ചിത്രത്തില്‍ വേഷമിട്ടപ്പോള്‍തന്നെ ആര്‍മിക്കാര്‍ അഭിനന്ദിച്ചുവെന്നും ശിവകാര്‍ത്തികേയന്‍ പറഞ്ഞിരുന്നു.
രാജ് കമലിന്റെയും സോണി പിക്‌ചേഴ്‌സ് ഇന്റര്‍നാഷണല്‍ പ്രൊക്ഷന്‍സിന്റെയും ബാനറിലാണ് അമരന്‍ നിര്‍മ്മിച്ചത്. സായ് പല്ലവിയാണ് ശിവകാര്‍ത്തികേയന്റെ നായികയായി എത്തിയത്. ഭാവന്‍ അറോറ, രാഹുല്‍ ബോസ്, ശ്രീകുമാര്‍, വികാസ് ബംഗര്‍ എന്നിവരാണ് മറ്റ പ്രധാന കഥാപാത്രത്തെ അവതരിപ്പിച്ചത്. രാജ് കുമാര്‍ പെരിയസ്വാമിയാണ് ചിത്രത്തിന്റെ സംവിധായകന്‍.
Recent Comments