ശ്രീനാഥ് ഭാസി, ബാലു വര്‍ഗീസ്, ഗണപതി, സുധി കോപ്പ എന്നിവരെ കേന്ദ്ര കഥാപാത്രങ്ങളാക്കി റെഫി മുഹമ്മദ് കഥ, തിരക്കഥ, സംഭാഷണമെഴുതി സംവിധാനം ചെയ്യുന്ന ‘അല്‍ കറാമ’ എന്ന ചിത്രത്തിന്റെ ആദ്യ ഷെഡ്യൂള്‍ ചിത്രീകരണം അജ്മാന്‍, ഫുജൈറ മീഡിയ പാര്‍ക്ക് എന്നിവിടങ്ങളിലായി പൂര്‍ത്തിയായി. ചിത്രത്തിന്റെ അടുത്ത ഷെഡ്യൂള്‍ മാര്‍ച്ച് 5 ന് ദുബായ് കരാമയില്‍ തുടങ്ങും.
വണ്‍ വേള്‍ഡ് എന്റര്‍ടൈന്‍മെന്റ്‌സ് നിര്‍മിക്കുന്ന ചിത്രത്തിന്റെ ഛായാഗ്രഹണം രവിചന്ദ്രനാണ്. ബി.കെ. ഹരിനാരായണന്‍, ഷാഫി കൊല്ലം, വിഷ്ണു പ്രസാദ്, മനീഷ് എന്നിവരുടെ വരികള്‍ക്ക് നാസര്‍ മാലിക്കാണ് സംഗീതം നിര്‍വ്വഹിക്കുന്നത്. മലയാളത്തില്‍ ആദ്യമായി കുമാര്‍ സനു ചിത്രത്തിനുവേണ്ടി പാടുന്നു. കൂടാതെ മധു ബാലകൃഷ്ണനും. ജാസി ഗിഫ്റ്റാണ് അല്‍ കറാമയുടെ ബി.ജി.എം. ചെയ്യുന്നത്. എഡിറ്റിംഗ് അയൂബ്ഖാന്‍. ജാവേദ് ചെമ്പ് പ്രൊഡക്ഷന്‍ കണ്‍ട്രോളറും ആഷിക് എസ് കലാസംവിധാകനും ലിബിന്‍ മോഹന്‍ മേക്കപ്പും നീതു നിധി വസ്ത്രാലങ്കാരവും നിര്‍വ്വഹിക്കുന്നു.
Recent Comments