പുഴു എന്ന ചിത്രത്തിനു ശേഷം റെത്തിന സംവിധാനം ചെയ്യുന്ന പാതിരാത്രി എന്ന സിനിമയുടെ ചിത്രീകരണം പൂര്‍ത്തിയായി. ബെന്‍സി പ്രൊഡക്ഷന്‍സിന്റെ ബാനറില്‍ കെ.വി. അബ്ദുള്‍ നാസര്‍ നിര്‍മ്മിക്കുന്ന ചിത്രത്തിന്റെ ചിത്രീകരണം കുമളി, അണക്കര, കൊച്ചി ഭാഗങ്ങളിലായിട്ടാണ് പൂര്‍ത്തിയായിരിക്കുന്നത്.
രണ്ടു പൊലീസ് ഉദ്യോഗസ്ഥരുടെ ജീവിതത്തിലൂടെയാണ് ഈ ചിത്രത്തിന്റെ കഥാപുരോഗതി. ഇവരുടെ ഒരു കേസന്വേഷണത്തിനിടയില്‍ കടന്നുവരുന്ന സംഭവങ്ങളാണ് ചിത്രത്തിലൂടെ പൂര്‍ണ്ണമായും ത്രില്ലര്‍ മൂഡില്‍ അവതരിപ്പിക്കുന്നത്. ഇടുക്കി ജില്ലയിലെ ഒരു ഗ്രാമത്തില്‍ ഒറ്റരാത്രിയില്‍ നടക്കുന്ന ഒരു പൊലീസ് ഡ്രാമയാണ് ചിത്രം. ഒരു യഥാര്‍ത്ഥസംഭവത്തെ ആസ്പദമാക്കി, ഷാജി മാറാടാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. ഇലവിഴാ പൂഞ്ചിറ എന്ന ചിത്രത്തിനു ശേഷം ഷാജി മാറാട് തിരക്കഥ രചിക്കുന്ന ചിത്രം കൂടിയാണിത്.
സൗബിന്‍ ഷാഹിറും നവ്യാനായരുമാണ് ചിത്രത്തിലെ കേന്ദ്ര കഥാപാത്രങ്ങളായ കോണ്‍സ്റ്റബിള്‍ ഹരീഷ്, പ്രബേഷണറി എസ്.ഐ. ജാന്‍സി കുര്യന്‍ എന്നിവരെ അവതരിപ്പിക്കുന്നത്. സണ്ണി വെയ്ന്‍, ആന്‍ അഗസ്റ്റിന്‍ എന്നിവരും മുഖ്യ വേഷങ്ങളിലുണ്ട്. ശബരിഷ്, ഹരിശ്രീ അശോകന്‍, ഇന്ദ്രന്‍സ് എന്നിവരും പ്രധാന താരങ്ങളാണ്.
സംഗീതം- ജയ്ക്ക് ബിജോയ്‌സ്, ഛായാഗ്രഹണം ഷഹ്നാദ് ജലാല്‍, എഡിറ്റിംഗ്- ശ്രീജിത്ത് സാരംഗ്,
കലാസംവിധാനം- ദിലീപ് നാഥ്, ചമയം- ഷാജി പുല്‍പ്പള്ളി, കോസ്റ്റ്യും ഡിസൈന്‍- ധന്യാ ബാലകൃഷ്ണന്‍,
സംഘട്ടനം പി.സി. സ്റ്റണ്ട്‌സ്, ചീഫ് അസ്സോസ്സിയേറ്റ് ഡയറക്ടര്‍- അജിത് വേലായുധന്‍, അസ്സോസ്സിയേറ്റ് ഡയറക്ടര്‍- സിബിന്‍ രാജ്, പരസ്യകല- യെല്ലോ ടൂത്ത് പ്രൊഡക്ഷന്‍ മാനേജര്‍- ജോബി ജോണ്‍, പ്രൊഡക്ഷന്‍ എക്‌സിക്കുട്ടീവ്- രാജേഷ് സുന്ദരം, പ്രൊഡക്ഷന്‍ കണ്‍ട്രോളര്‍ പ്രശാന്ത് നാരായണന്‍. പി.ആര്‍.ഒ- വാഴൂര്‍ ജോസ്, ഫോട്ടോ- നവീന്‍ മുരളി.
Recent Comments