തമിഴ് സിനിമ-സീരിയല്‍ നടന്‍ മൂന്നാര്‍ ഇക്കാ നഗറില്‍ കെ. സുബ്രഹ്‌മണ്യന്‍ കുഴഞ്ഞുവീണു മരിച്ചു. 57 വയസ്സായിരുന്നു. സി.പി.എം. പ്രവര്‍ത്തകനായിരുന്നു അദ്ദേഹം. തൊടുപുഴയില്‍ ജില്ലാ സമ്മേളനത്തില്‍ പങ്കെടുത്ത് മടങ്ങവേ അടിമലിയില്‍വച്ച് കുഴഞ്ഞു വീഴുകയായിരുന്നു. ഉടന്‍ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു.
മൈന, കഴുക്, കുംകി എന്നീ ഹിറ്റ് സിനിമകളുള്‍പ്പെടെ ഒട്ടേറെ സിനിമകളില്‍ അദ്ദേഹം അഭിനയിച്ചിട്ടുണ്ട്. മൂന്നാറില്‍ ചിത്രീകരിച്ച വിവിധ മലയാളം, ഹിന്ദി, തമിഴ്, തെലുങ്ക് സിനിമകളുടെ ലൊക്കേഷന്‍ മാനേജരായി പ്രവര്‍ത്തിച്ചിട്ടുണ്ട്. സംസ്‌കാരം ശാന്തിവനത്തില്‍.
പാര്‍വ്വതിയാണ് ഭാര്യ, വിദ്യയും വിവേകും മക്കളും കാര്‍ത്തിക്കും അഭിരാമി മരുമക്കളുമാണ്.
Recent Comments