കൊച്ചി നഗരത്തിൽ ലഹരി ചേർത്ത് ചോക്ലേറ്റ് നിർമാണം തകൃതിയായി നടക്കുന്നതായി റിപ്പോർട്ട്. ഇക്കാര്യം മലയാളത്തിലെ ട്വന്റിഫോർ ചാനൽ നടത്തിയ അന്വേഷണ പരമ്പരയിലാണ് ഞെട്ടിക്കുന്ന കണ്ടെത്തൽ. പ്രായപൂർത്തിയാകാത്ത വിദ്യാർഥികൾക്കിടയിലാണ് ഇത്തരം ലഹരി വസ്തുക്കളുടെ വിതരണവും വിൽപ്പനയും കൂടുതലായി നടക്കുന്നതെന്നാണ് ചാനൽ പുറത്തുവിട്ട റിപ്പോർട്ടിൽ പറയുന്നത്. ലഹരി ചേർത്ത് ചോക്ലേറ്റുകൾ തയ്യാറാക്കുന്നതിൻ്റെ ദൃശ്യങ്ങളും ട്വന്റിഫോറിർ ചാനൽ പുറത്തു വിട്ടു.
പ്രായപൂർത്തിയാകാത്ത കുട്ടികൾ വിവിധ ലഹരി വസ്തുക്കൾ ഉപയോഗിക്കുന്ന ദൃശ്യങ്ങൾ സമൂഹമാധ്യമ ഗ്രൂപ്പുകളിലൂടെ പ്രചരിക്കുന്നുണ്ട്. ലഹരിവസ്തുക്കൾ വാങ്ങാൻ പണമില്ലാത്തപ്പോൾ മോഷണം നടത്തുന്നതായും കുട്ടികൾ തന്നെ വെളിപ്പെടുത്തുന്നു.
Recent Comments