നടനും സംവിധായകനുമായ പൃഥ്വിരാജ് സുകുമാരനോട് സ്വതന്ത്ര ചിന്തകനായ മൈത്രേയന്‍ മാപ്പ് പറഞ്ഞു. കുറച്ചു ദിവസം മുൻപ്, മൈത്രേയന്‍ ഒരു അഭിമുഖത്തിൽ പൃഥ്വിരാജിനെതിരെ നടത്തിയ പ്രസ്താവനകൾ വ്യാപകമായി പ്രചരിച്ചിരുന്നു. അതിന്റെ പ്രതികരണമായി, മൈത്രേയന്‍ പൃഥ്വിരാജിനോട് തന്റെ സോഷ്യൽ മീഡിയ വഴിമാപ്പ് പറഞ്ഞു.
“താങ്കളെ അടിക്കാൻ പാകത്തിലൊരു വടിയായി മാറിയതിൽ ഖേദിക്കുന്നു” എന്ന് മൈത്രേയൻ തന്റെ ഫെയ്‌സ്ബുക്കിൽ കുറിച്ചു. നിരുപാധികമായി മാപ്പ് ചോദിക്കുന്നുവെന്നും, പൃഥ്വിരാജിന്റെ സിനിമകൾ കാണുമെന്നും അദ്ദേഹം കൂട്ടിച്ചേർത്തു. “പൃഥ്വിരാജ് ഇതുവരെ ഒരു നല്ല സിനിമ എടുത്തതായി ഞാൻ കേട്ടിട്ടില്ലെന്ന് മൈത്രേയന്റെ വാക്കുകളായിരുന്നു പ്രചരിച്ചിരിക്കുന്നത്.
മൈത്രേയന്റെ കുറിപ്പ്:
ബഹുമാനപൂർവ്വം പ്രിഥ്വിരാജിന്, മൂന്നു പേർ എന്നെ അഭിമുഖ സംഭാഷണം ചെയ്യാൻ വന്നു എന്നുള്ള കാര്യം സത്യമാണ്. പല വിഷയങ്ങൾ സംസാരിച്ചിരുന്നതിൽ സിനിമ, സംവിധാനം, അഭിനയം എന്നിവ കൂടി ചർച്ച ചെയ്തു എന്ന കാര്യവും സത്യമാണ്. താങ്കൾ സംവിധാനം ചെയ്ത സിനിമകളെപറ്റിയും സംസാരിച്ചിരുന്നു എന്നതും സത്യമാണ്. ഈ പോസ്റ്ററിൽ ഉള്ളവരി ഞാൻ പറഞ്ഞതും സത്യമാണ്. പക്ഷേ, ഇത്തരം ഒരു പോസ്റ്റർ ഇറക്കാനുള്ള ഉദ്ദേശത്തോടെയാണ് അവർ ആ ചോദ്യങ്ങൾ ചോദിച്ചതെന്ന കാര്യം അറിയില്ലായിരുന്നു. താങ്കളെ അടിക്കാൻ പാകത്തിലൊരു വടിയായി ഞാൻ മാറിയതിൽ ഖേദിക്കുന്നു. നിരുപാധികം മാപ്പ് ചോദിക്കുന്നു. നിങ്ങളുടെ സിനിമ ഞാൻ കാണുന്നതായിരിക്കും.
സ്നേഹപൂർവ്വം
മൈത്രേയൻ
Recent Comments