ഖാലിദ് റഹ്‌മാൻ സംവിധാനം ചെയ്യുന്ന പുതിയ ചിത്രം ‘ആലപ്പുഴ ജിംഖാന’ ഏപ്രിലിൽ വിഷു റിലീസായി എത്തുകയാണ്. ബോക്‌സിങ് പശ്ചാത്തലമാക്കിയ ഈ ആക്‌ഷൻ കോമഡി ചിത്രത്തിൽ നസ്ലിൻ നായകനായെത്തുന്നു. ട്രെയിലർ കാണുമ്പോൾ തന്നെ ഇത് ഒരു മുഴുനീള എന്റർടെയ്‌നറാകുമെന്ന് ഉറപ്പാകുന്നു. ‘തല്ലുമാല’യ്ക്ക് ശേഷം ഖാലിദ് റഹ്‌മാൻ സംവിധാനം ചെയ്യുന്ന പുതിയ സിനിമ പ്രേക്ഷകർ വലിയ പ്രതീക്ഷയോടെയാണ് കാത്തിരിക്കുന്നത്.
ചിത്രം നിർമിക്കുന്നത് പ്ലാൻ ബി മോഷൻ പിക്ചേർസും റീലിസ്റ്റിക് സ്റ്റുഡിയോയും ചേർന്നാണ്. ഖാലിദ് റഹ്‌മാനും ശ്രീനി ശശീന്ദ്രനും ചേർന്നാണ് തിരക്കഥ ഒരുക്കിയിരിക്കുന്നത്. സംഭാഷണം രതീഷ് രവി. നായകനായ നസ്ലിനൊപ്പം ഗണപതി, ലുക്ക്‌മാൻ, അനഘ രവി, സന്ദീപ് പ്രദീപ് എന്നിവരും സിനിമയിൽ പ്രധാന കഥാപാത്രങ്ങളായി എത്തുന്നു.
മലയാളത്തിൽ മുൻപ് നിരവധി സ്പോർട്സ് പശ്ചാത്തലമുള്ള സിനിമകൾ വന്നിട്ടുണ്ട്. ‘ഗോദ’, ‘1983’, ‘സെവൻസ്’, ‘കരിങ്കുന്നം സിക്സസ്’ തുടങ്ങിയവ ഇതിനുദാഹരണമാണ്. എന്നാൽ, കോമഡിയും ആക്ഷനും ചേർത്ത് ഒരു സ്പോർട്സ് മൂവി മലയാളത്തിൽ ഏറെ അപൂർവമാണ്. ‘ആലപ്പുഴ ജിംഖാന’ ഈ ശൂന്യത നിറയ്ക്കുമെന്ന് ആരാധകർ പ്രതീക്ഷിക്കുന്നു
Recent Comments