മലയാളത്തിലെ ആദ്യത്തെ ഗയിം ത്രില്ലര്‍ സിനിമയെന്നു വിശേഷിപ്പിക്കാവുന്ന ചിത്രമാണ് ബസൂക്ക. മമ്മൂട്ടിയെ നായകനാക്കി നവാഗതനായ ഡിനോ ഡെന്നിസ് തിരക്കഥ രചിച്ച് സംവിധാനം ചെയ്യുന്ന ഈ ചിത്രം വിഷു-ഈസ്റ്റര്‍ ഫെസ്റ്റിവലുകള്‍ ആഘോഷമാക്കാനായി ഏപ്രില്‍ പത്തിന് പ്രദര്‍ശനത്തിനെത്തുന്നു.
ക്ലീന്‍ യു.എ. സര്‍ട്ടിഫിക്കറ്റോടെ സെന്‍സര്‍ ചെയ്യപ്പെട്ടിരിക്കുന്ന ഈ ചിത്രം തീയേറ്റര്‍ ഓഫ് ഡ്രീംസ് ഇന്‍ അസ്സോസ്സിയേഷന്‍ വിത്ത് സരിഗമയുടെ ബാനറില്‍ പ്രശസ്ത തിരക്കഥാകൃത്ത് ജിനു വി. ഏബ്രഹാം, ഡോള്‍വിന്‍ കുര്യാക്കോസ് എന്നിവരാണ് നിര്‍മ്മിക്കുന്നത്. പ്രശസ്ത തിരക്കഥാകൃത്ത് കലൂര്‍ ഡെന്നിസിന്റെ മകനാണ് ഡിനോഡെന്നിസ്.
ബുദ്ധിയും, കൗശലവും കോര്‍ത്തിണക്കിയ മ്മൂട്ടിയുടെ കഥാപാത്രം പ്രേക്ഷകര്‍ക് പുതിയൊരു ദൃശ്യാനുഭവം പങ്കുവക്കുന്നതായിരിക്കും മലയാള സിനിമയില്‍ ഇത്തരമൊരു സമീപനം ഇതാദ്യമാണ്. ഒരു ഗയിമിന്റെ ത്രില്ലര്‍ സ്വഭാവം ഈ ചിത്രത്തിലുടനീളം നിലനിര്‍ത്തിയാണ് ചിത്രത്തിന്റെ അവതരണം. എല്ലാവിധ ആകര്‍ഷക ഘടകങ്ങളും കോര്‍ത്തിണക്കിയ ഒരു ക്ലീന്‍ എന്റര്‍ടൈനറാണ് ബസൂക്ക. ചിത്രത്തിന്റേതായി പുറത്തുവിട്ട പുതിയ അപ്‌ഡേഷനുകളെല്ലാം സമൂഹമാധ്യമങ്ങളില്‍ വലിയ സ്വീകാര്യതയാണ് ലഭിച്ചിരിക്കുന്നത്.
ഗൗതം വാസുദേവ് മേനോന്‍ മറ്റൊരു മുഖ്യ കഥാപാത്രത്തെ അവതരിപ്പിക്കുന്നു ഈ ചിത്രത്തില്‍. ഷൈന്‍ ടോം ചാക്കോ, ഡീന്‍ ഡെന്നിസ് സുമിത് നേവല്‍ (ബിഗ് ബി ഫെയിം), ദിവ്യാപിള്ള, ഐശ്യര്യാ മേനോന്‍, സ്ഫടികം ജോര്‍ജ്ജ്
എന്നിവരും പ്രധാന വേഷങ്ങളിലെത്തുന്നു. ഇവര്‍ക്കൊപ്പം നിരവധി പുതുമുഖങ്ങളും ഈ ചിത്രത്തില്‍ അഭിനയിക്കുന്നുണ്ട്.
സംഗീതം സയിദ് അബ്ബാസ്, ഛായാഗ്രഹണം നിമേഷ് രവി, എഡിറ്റിംഗ് നൗഫല്‍ അബ്ദുള്ള, കലാസംവിധാനം അനീസ് നാടോടി, മേക്കപ്പ് ജിതേഷ് പൊയ്യ, കോസ്റ്റ്യും ഡിസൈന്‍ സമീരാ സനീഷ്, ചീഫ് അസ്സോസ്സിയേറ്റ് ഡയറക്ടര്‍ സുജിത്, പ്രൊഡക്ഷന്‍ എക്‌സിക്കുട്ടീവ്‌സ് ഷെറിന്‍ സ്റ്റാന്‍ലി, പ്രതാപന്‍ കല്ലിയൂര്‍, പ്രൊഡക്ഷന്‍ കണ്‍ട്രോളര്‍ സഞ്ജു ജെ., പി.ആര്‍.ഒ. വാഴൂര്‍ ജോസ്, ഫോട്ടോ ബിജിത്ത് ധര്‍മ്മടം.
Recent Comments