ഈച്ചയും മനുഷ്യരുമായുള്ള അപൂർവമായൊരു ആത്മബന്ധത്തിന്റെ കഥയുമായെത്തുന്ന ത്രീഡി ചിത്രം ‘ലൗലി’യുടെ റിലീസ് തീയതി പുറത്ത്. മെയ് 2-നാണ് ചിത്രം തീയേറ്ററുകളിൽ എത്തുന്നത്. മാത്യു തോമസിനെ നായകനാക്കി ദിലീഷ് കരുണാകരൻ സംവിധാനം ചെയ്യുന്ന ചിത്രത്തിൽ ഒരു ഈച്ചയാണ് നായികയായി എത്തുന്നത്.
ഒരു ആനിമേറ്റഡ് ക്യാരക്‌ടർ മുഖ്യ കഥാപാത്രമായി എത്തുന്ന ഹൈബ്രീഡ് ചിത്രം എന്ന പ്രത്യേകതയും ‘ലൗലി’ക്കുണ്ട്. ഹോളിവുഡിലെയും മറ്റ് പ്രധാനധാരാ സിനിമകളിലെയും പോലെ, ആനിമേറ്റഡ് ക്യാരക്‌ടറുകൾക്ക് ശബ്ദം നൽകുന്നതുപോലെ, ഈ ചിത്രത്തിൽ നായികയായെത്തുന്ന ഈച്ചയ്ക്ക് ശബ്ദം നൽകിയിരിക്കുന്നത് മലയാള സിനിമയിൽ സജീവമായ ഒരു താരമാണെന്നാണ് ലഭ്യമാകുന്ന സൂചന. ‘ടമാർ പഠാർ’ എന്ന ചിത്രത്തിന് ശേഷം ദിലീഷ് കരുണാകരൻ തിരക്കഥയെഴുതി സംവിധാനം ചെയ്യുന്ന ചിത്രത്തിന്റേതായി പുറത്തിറങ്ങിയ ഫസ്റ്റ് ലുക്ക് പോസ്റ്ററും ടീസറും ശ്രദ്ധനേടിയിരുന്നു.
സെമി ഫാന്റസി ജോണറിലെത്തുന്ന ചിത്രം നിർമിക്കുന്നത് വെസ്റ്റേൺ ഗട്ട്സ് പ്രൊഡക്ഷൻസിന്റെയും നേനി എൻ്റർടെയ്ൻമെൻ്റ്സിന്റെയും ബാനറിൽ ശരണ്യയും ഡോ. അമർ മാമചന്ദ്രനും ചേർന്നാണ്. മനോജ് കെ ജയൻ, കെ.പി.എസി ലീല തുടങ്ങിയവരാണ് ചിത്രത്തിൽ പ്രധാനവേഷങ്ങളിലെത്തുന്നത്. ചിത്രത്തിന്റെ ഛായാഗ്രഹണം നിർവഹിക്കുന്നത് സംവിധായകൻ ആഷിഖ് അബുവാണ്.
വിഷ്ണു വിജയ് സംഗീതസംവിധാനം നിർവഹിക്കുന്ന സിനിമയുടെ എഡിറ്റർ കിരൺ ദാസാണ്. പ്രൊഡക്ഷൻ ഡിസൈൻ: ജ്യോതിഷ് ശങ്കർ. കോ പ്രൊഡ്യൂസർമാർ: പ്രമോദ് ജി. ഗോപാൽ, ഡോ. വിമൽ രാമചന്ദ്രൻ. ആർട്ട്: കൃപേഷ് അയ്യപ്പൻകുട്ടി. പ്രൊഡക്ഷൻ കൺട്രോളർ: കിഷോർ പുറക്കാട്ടിരി. സിജിഐ ആൻഡ് വിഎഫ്എക്‌സ്: ലിറ്റിൽ ഹിപ്പോ സ്റ്റുഡിയോസ്. ക്യാരക്‌ടർ ഡിസൈൻ: അഭിലാഷ്. കോസ്റ്റ്യൂം: ദീപ്‌തി അനുരാഗ്. സൗണ്ട് ഡിസൈൻ: നിക്‌സൺ ജോർജ്ജ്. ഗാനരചന: സുഹൈൽ കോയ. ചീഫ് അസോസിയേറ്റ് ഡയറക്ടർ: ഹരീഷ് തെക്കേപ്പാട്ട്. വെതർ സപ്പോർട്ട്: അഭിലാഷ് ജോസഫ്. ആക്ഷൻ കോറിയോഗ്രഫി: കലൈ കിന്‍സൺ. ഡിഐ: കളർ പ്ലാനറ്റ് സ്റ്റുഡിയോസ്. സൗണ്ട് മിക്‌സിംഗ്: സിനോയ് ജോസഫ്. പി.ആർ: എഎസ് ദിനേശ്. സ്റ്റിൽസ്: ആതിര ദിൽജിത്ത്. ആർ: റോഷൻ.
പബ്ലിസിറ്റി ഡിസൈൻ: നെല്ലോ ടൂത്ത്സ്, മീഡിയ ഡിസൈൻസ്, ഡ്രിപവേവ് കളക്ടീവ്.
Recent Comments