അജിത് കുമാര്‍ ചിത്രം ഗുഡ് ബാഡ് അഗ്ലിയുടെ നിര്‍മ്മാതാക്കള്‍ക്ക് വക്കീല്‍നോട്ടീസ് അയച്ച് സംഗീത സംവിധായകന്‍ ഇളയരാജ. അനുവാദിമില്ലാതെ തന്റെ പാട്ടുകള്‍ ഉപയോഗിച്ചെന്ന് കാണിച്ചാണ് വക്കീല്‍ നോട്ടീസ്. അഞ്ചുകോടി രൂപ നഷ്ടപരിഹാരം ആവശ്യപ്പെട്ടാണ് നിര്‍മ്മാതാക്കളായ മൈത്രി മീവു മേക്കേഴ്‌സിന് നോട്ടീസ് അയച്ചത്. തന്റെ മൂന്ന് പാട്ടുകള്‍ അനുവാദമില്ലാതെ ഉപയോഗിച്ചുവെന്നാണ് ആരോപണം.
1996 ല്‍ പുറത്തിറങ്ങിയ നാട്ടുപുര പാട്ട് എന്ന ചിത്രത്തിലെ ഒത്ത രൂപൈ… 198ല്‍ പുറത്തിറങ്ങിയ സകലകലാ വല്ലവനിലെ ഇളമൈ ഇതോ ഇതോ… 1986 ലെ വിക്രത്തിലെ എന്‍ജോഡി മഞ്ച്ക്കുരുവി എന്നീ പാട്ടുകളാണ് ഗുഡ് ബാഡ് അഗ്ലിയില്‍ ഉപയോഗിച്ചിരിക്കുന്നത്. താന്‍ ഈണമിട്ട പാട്ടുകളുടെ യഥാര്‍ത്ഥ ഉടമ താനാണെന്നും അത്തരം സൃഷ്ടികളുടെ ധാര്‍മ്മികവും നിയമപരവുമായ അവകാശങ്ങള്‍ തനിക്കാണെന്നും ഇളയരാജ നോട്ടീസില്‍ പറയുന്നു. തന്റെ അനുവാദമില്ലാതെ പാട്ട് വികലമായി ഉപയോഗിച്ചു. ഇത് പകര്‍പ്പവകാശത്തിന്റെ ലംഘനമാണ്. റോയല്‍റ്റി നല്‍കാതെ തന്റെ സൃഷ്ടിയെ വാണിജ്യപരമായി ദുരുപയോഗം ചെയ്തുവെന്നും നോട്ടീസില്‍ പറയുന്നു. ചിത്രത്തില്‍നിന്ന് പാട്ടുകള്‍ നീക്കം ചെയ്യണമെന്ന് ആവശ്യപ്പെടുന്ന നോട്ടീസില്‍ ഉപാധികളില്ലാതെ മാപ്പ് പറയണമെന്നും അഞ്ച് കോടി രൂപ നഷ്ടപരിഹാരം നല്‍കണമെന്നും ആവശ്യപ്പെടുന്നു. നോട്ടീസിലെ ആവശ്യങ്ങള്‍ ഏഴു ദിവസത്തിനുള്ളില്‍ അംഗീകരിക്കാത്ത പക്ഷം നിയമനടപടികള്‍ നേരിടേണ്ടിവരുമെന്നും മുന്നറിയിപ്പുണ്ട്.
Recent Comments