പ്രശസ്ത നടനും തിരക്കഥാകൃത്തും സംവിധായകനും നാടകകൃത്തുമായ പി. ബാലചന്ദ്രന് അന്തരിച്ചു. ഇന്ന് രാവിലെ 5 മണിക്ക് സ്വന്തം വസതിയില്‍വച്ചായിരുന്നു അന്ത്യം. അഞ്ച് മാസത്തിലേറെയായി സുഖമില്ലാതെ കിടക്കുകയായിരുന്നു. 70 വയസ്സ് പ്രായമുണ്ട്.
വൈക്കം തെക്കേനടയ്ക്കടുത്ത് ‘പവിത്ര’ത്തിലായിരുന്നു അദ്ദേഹം താമസിച്ചുകൊണ്ടിരുന്നത്. ഇന്ന് വൈകുന്നേരം മൂന്ന് മണിക്കാണ് ശവസംസ്‌കാരം. ഭാര്യ ശ്രീലത. രണ്ട് മക്കള്‍- പാര്‍വ്വതി, ശ്രീകാന്ത്.
ജലമര്‍മ്മരം, ഇവര്‍, ബ്യൂട്ടിഫുള്‍, ട്രിവാന്‍ഡ്രം ലോഡ്ജ്, ഇമ്മാനുവല്‍, അന്നയും റസൂലും, കടല്‍ കടന്നൊരു മാത്തുക്കുട്ടി, സൈലന്റ്, ചാര്‍ലി, കമ്മട്ടിപ്പാടം തുടങ്ങിയ ചിത്രങ്ങളില്‍ വൈവിദ്ധ്യമാര്‍ന്ന വേഷങ്ങള്‍ അദ്ദേഹം ചെയ്തിട്ടുണ്ട്. മമ്മൂട്ടി നായകനായ വണ്‍ ആണ് അദ്ദേഹം ഒടുവിലായി അഭിനയിച്ച ചിത്രം. സ്വന്തം തിരക്കഥയില്‍ ഇവന്‍ മേഘരൂപന്‍ എന്ന സിനിമയും സംവിധാനം ചെയ്തിട്ടുണ്ട്. പവിത്രം, ഉള്ളടക്കം, കമ്മട്ടിപ്പാടം, ഇടയ്ക്കാട് ബറ്റാലിയന്‍ തുടങ്ങിയവ പി. ബാലചന്ദ്രന് തിരക്കഥ നിര്‍വ്വഹിച്ച ചിത്രങ്ങളില്‍ ചിലതാണ്.
Recent Comments