ഹൊറര്‍, സസ്‌പെന്‍സ്, ഇന്‍വെസ്റ്റിഗേഷന്‍ ത്രില്ലര്‍ മൂഡില്‍ സജീവ് ലൂക്കോസ് സംവിധാനം ചെയ്യുന്ന സിനിമയ്ക്ക് ബ്ലഡ് മൂണ്‍ എന്ന ടൈറ്റില്‍ പ്രകാശനം ലുലു മാരിയറ്റ് ഹോട്ടലില്‍വച്ച് നടി നേഹ സക്സേന നിർവഹിച്ചു
ആര്‍എസ് ജെ പി ആര്‍ എന്റര്‍ടൈംമെന്റിന്റെ ബാനറില്‍ രഘു ചന്ദ്രന്‍ ജെ. മേനോന്‍ നിര്‍മ്മിക്കുന്ന രണ്ടാമത്തെ സിനിമയാണ് ബ്ലഡ് മൂണ്‍. ഏപ്രില്‍ മാസം അവസാനം ഷൂട്ടിംഗ് ആരംഭിക്കുന്ന ചിത്രത്തിന് രചന ഹരിപ്പാട് ഹരിലാല്‍ നിര്‍വഹിക്കുന്നു. ചായാഗ്രഹണം കൈകാര്യം ചെയ്യുന്നതു സന്തോഷ് അനിമയാണ്.എഡിറ്റിംഗ് രഞ്ജിത്ത് ആര്‍ നിര്‍വഹിക്കുന്നു. സംഗീതം രാജേഷ് ബാബു കെ.
നേഹ സക്സേന പ്രധാനവേഷം കൈകാര്യം ചെയ്യുന്ന ചിത്രത്തില്‍ ഒട്ടനവധി പ്രമുഖ താരങ്ങളും അണിനിരക്കുന്നു. പ്രൊഡക്ഷന്‍ കണ്‍ട്രോളര്‍ തങ്കപ്പന്‍ വിസ്മയ, പ്രോജക്ട് ഡിസൈനര്‍ അനു കുട്ടന്‍, കൊറിയോഗ്രാഫര്‍ ശ്രീ സെല്‍വി ചെന്നൈ. വിഷ്വല്‍ എഫക്റ്റ്‌സ് മഡ്ഡ് ഹൗസ് കൊച്ചി. സൗണ്ട് ഡിസൈനര്‍ ജയ്‌സണ്‍ കോട്ടെക്കുളം. സ്റ്റുഡിയോ- കെ സ്റ്റുഡിയോസ് കൊച്ചി. പി ആര്‍ ഓ എം കെ ഷെജിന്‍.
ഈ ബാനറിന്റെ ആദ്യചിത്രമായ വവ്വാലും പേരക്കയും ഉടന്‍തന്നെ തീയേറ്ററിലെത്തും.
Recent Comments