ഇന്ദ്രജിത്തിനെ വിളിക്കുമ്പോള്‍ നെറ്റ് വര്‍ക്ക് ബിസ്സിയായിരുന്നു. അധികം വൈകിയില്ല, ഇന്ദ്രന്‍ തിരിച്ചുവിളിച്ചു.
ചെന്നൈയിലാണോ ഇന്ദ്രന്‍ ഉള്ളത്?
അതെ.
ആരുടെ പടം?
രാക്ഷസ്സനിലെ നായകന്‍ വിഷ്ണുവിശാലിനെ അറിയില്ലേ? അദ്ദേഹത്തിന്റെ നിര്‍മ്മാണ കമ്പനിയുടെ ചിത്രമാണ്.
ആരൊക്കെയാണ് താരങ്ങള്‍?
ഞാനും വിഷ്ണുവിശാലും ഐശ്വര്യരാജേഷുമാണ് പ്രധാന താരനിരക്കാര്‍. ബാക്കിയുള്ളവര്‍ ഏറെയും പുതുമുഖങ്ങളാണ്.
സംവിധായകനോ?
അദ്ദേഹവും പുതിയ ആളാണ്. മുരളി കാര്‍ത്തിക്. അദ്ദേഹം തന്നെയാണ് ഇതിന്റെ തിരക്കഥാകൃത്തും.
ടൈറ്റില്‍ ആയോ?
മോഹന്‍ദാസ് എന്നാണ് സിനിമയുടെ പേര്. ഡാര്‍ക്ക് ത്രില്ലറാണ്.
ഷൂട്ടിംഗ് കഴിയാറായോ?
ഇത് സെക്കന്റ് ഷെഡ്യൂളാണ്. ആദ്യ ഷെഡ്യൂളും ചെന്നൈയിലായിരുന്നു. ഇന്നുകൊണ്ട് എന്റെയും ഐശ്വര്യയുടെയും വര്‍ക്കുകള്‍ കഴിയും. അതുകഴിഞ്ഞ് ഒരു ഷെഡ്യൂള്‍ കൂടി ഉണ്ട്. അതില്‍ വിഷ്ണുവിശാല്‍ മാത്രമേ ഉള്ളൂ. കേരളത്തിലാണ് ഷൂട്ട് ചെയ്യുന്നത്. കുറച്ച് ട്രാവല്‍ പോര്‍ഷനുകളാണ്.
കേരളത്തിലേയ്ക്ക് എന്ന് മടങ്ങിയെത്തും?
നാളെ. രതീഷ് അമ്പാട്ട് സംവിധാനം ചെയ്യുന്ന തീര്‍പ്പിന്റെ ഒരു ദിവസത്തെ വര്‍ക്ക് കൂടി അവശേഷിക്കുന്നുണ്ട്. അതുകൂടി പൂര്‍ത്തിയാക്കി തൊടുപുഴയിലേയ്ക്ക് പോകും. പുതിയ പടത്തിന്റെ ഷൂട്ട് അവിടെവച്ചാണ്. പത്മകുമാറാണ് സംവിധായകന്‍. ഇനിയുള്ള 30 ദിവസം അവിടെയുണ്ടാകും.
ഇന്ദ്രജിത്ത് പറഞ്ഞുനിര്‍ത്തി.
Recent Comments