ഇരുമ്പുതിരൈ, ഹീറോ എന്നീ ഹിറ്റ് ചിത്രങ്ങള്‍ക്കുശേഷം പി.എസ്. മിത്രന്‍ സംവിധാനം ചെയ്യുന്ന ചിത്രമാണ് സര്‍ദാര്‍. കാര്‍ത്തിയാണ് നായകന്‍. ചിത്രത്തിന്റെ ഷൂട്ടിംഗ് ഇന്ന് ചെന്നൈയില്‍ തുടങ്ങി. കാര്‍ത്തി വ്യത്യസ്ത നായകകഥാപാത്രങ്ങളെ അവതരിപ്പിക്കുന്നു എന്ന പ്രത്യേകത കൂടി സര്‍ദാറിനുണ്ട്. സര്‍ദാര്‍ എന്നാല്‍ തലവന്‍, സേനാനായകന്‍ എന്നൊക്കെയാണ് അര്‍ത്ഥം.
റാഷി ഖന്നയാണ് നായിക. മലയാളത്തില്‍നിന്ന് രജീഷാവിജയനും സര്‍ദാറിലെ നായികനിരയിലുണ്ട്. പ്രശസ്ത ഹിന്ദി നടന്‍ ചങ്കി പാണ്ഡെ ഇതാദ്യമായി വില്ലന്‍ വേഷത്തിലെത്തുന്നു.
സിമ്രാന്‍, മുരളി ശര്‍മ്മ, ഇളവരസ്, മുനീഷ് കാന്ത് എന്നിവരാണ് മറ്റഭിനേതാക്കള്‍. പ്രിന്‍സ് പിക്‌ച്ചേഴ്‌സിനുവേണ്ടി എസ്. ലക്ഷ്മണ്‍കുമാറാണ് സര്‍ദാര്‍ നിര്‍മ്മിക്കുന്നത്. ജി.വി. പ്രകാശ് സംഗീത സംവിധാനവും ജോര്‍ജ് സി. വില്യംസ് ഛായഗ്രഹണവും നിര്‍വഹിക്കുന്നു.
ചിത്രത്തിന്റെ ഫസ്റ്റ് ലുക്ക് പിക്ചര്‍ കഴിഞ്ഞ ദിവസം പുറത്തിറക്കിയിരുന്നു. ആരാധകരില്‍ നിന്നും വലിയ സ്വീകരണമാണ് ഇതിന് ലഭിച്ചത്.
Recent Comments