ഐടി എന്റര്‍പ്രൊണര്‍ കൂടിയായ പികെ എന്ന പത്മകുമാര്‍ രാമചന്ദ്രന്‍ ആദ്യമായി സംവിധാനം ചെയ്യുന്ന വെബ് സിനിമയാണ് PUBJI XXX GAME.
നൂതന സാങ്കേതിക മികവോടെ ഒരുങ്ങുന്ന സിനിമയുടെ ടീസര്‍ ഇതിനോടകം തന്നെ പ്രേക്ഷകശ്രദ്ധ പിടിച്ചുപറ്റി കഴിഞ്ഞു.
ഇന്റര്‍നെറ്റും മറ്റ് ആധുനിക ഡിജിറ്റല്‍ സംവിധാനങ്ങളും നല്‍കുന്ന സ്വാതന്ത്ര്യം ഒരേസമയം നന്മയും തിന്‍മയും വിതയ്ക്കാറുണ്ട്. അത്തരം ഒരു പ്രമേയമാണ് സംവിധായകന്‍ തന്റെ ചിത്രത്തിലൂടെ പറയുന്നത്.
പൂര്‍ണ്ണമായും ഡിജിറ്റല്‍ സാങ്കേതിക വിദ്യയിലൂടെയായിരുന്നു ചിത്രീകരണം.
ലോക്ക്ഡൗണ്‍ കാലഘട്ടത്തില്‍ പികെയ്ക്ക് തോന്നിയ ഒരാശയമാണ് ‘വെബ്സിനിമ’. വെബ് സീരിസ് ആയിരുന്നു ആദ്യം മനസ്സില്‍. പക്ഷേ വെബ്സിനിമ എന്നൊരു ഫോര്‍മാറ്റിലേക്കെത്തുകയായിരുന്നൂ. 45 മിനിറ്റ് മുതല്‍ 1 മണിക്കൂര്‍ വരെ ദീര്‍ഘമുള്ളവയാണ് വെബ്സിനിമകള്‍.
സൈബര്‍ ക്രൈം ത്രില്ലര്‍ ജോണറില്‍ ഒരുങ്ങുന്ന ‘PUBJI XXX GAME ‘ നിര്‍മ്മിക്കുന്നത് വേള്‍ഡ് പ്രൈംടൈം എന്റര്‍ടൈന്‍മെന്റ്‌സിന്റെ ബാനറില്‍ പികെ തന്നെയാണ്.
ചെറിയ ബഡ്ജറ്റില്‍ പൂര്‍ണ്ണമായും പുതുമുഖങ്ങളെ അണിനിരത്തിയാണ് സിനിമ അണിഞ്ഞൊരുങ്ങുന്നത്.
സംവിധാനത്തിനു പുറമെ കഥ, തിരക്കഥ, സംഭാഷണം, എഡിറ്റിംഗ്, സൗണ്ട് എഡിറ്റിംഗ്, മിക്‌സിങ്, വി ഇഫെക്ട്‌സ്, മാര്‍ക്കറ്റിംഗ്, പോസ്റ്റര്‍ ഡിസൈനിങ്, കോസ്റ്റിയും, കളറിംഗ്, മേക്കപ്പ് എന്നിവയും പി കെ തന്നെയാണ് കൈകാര്യം ചെയ്യുന്നത്. റോണി മാക് ഡേവിസ് എന്ന നവാഗതനാണ് കാമറ കൈകാര്യം ചെയ്യുന്നത്.
മലയാളസിനിമയിലെ പ്രമുഖ താരങ്ങള്‍ ചേര്‍ന്നാണ് 3 ടീസറും ലോഞ്ച് ചെയ്തിട്ടുള്ളത്. സിനിമ ജൂലൈ അല്ലെങ്കില്‍ ആഗസ്റ്റില്‍ OTT പ്ലാറ്റ് ഫോമില്‍ റിലീസ് ചെയ്യും.
Recent Comments