റഹ്മാന് നായകനാവുന്ന സമാറയുടെ ചിത്രീകരണം പൂര്‍ത്തിയായി. സംവിധായകന്‍ ചാള്‍സ് ജോസഫിന്റെ ആദ്യ സംവിധാനചിത്രമാണ് സമാറ.
ഇപ്പോഴിതാ സമാറയെപ്പറ്റി ഏറ്റവും പുതിയ വാര്‍ത്ത അതിന്റെ അണിയറക്കാര്‍ പുറത്ത് വിട്ടിരിക്കുന്നു. ചിത്രത്തിലെ വില്ലന്‍ കഥാപാത്രത്തെ അവതരിപ്പിക്കുന്നത് ഹിന്ദിയില്‍ ‘ബജ്‌റംഗി ബൈജാന്‍’, ‘ജോളി എല്‍ എല്‍ ബി 2’, ‘കശ്മീര്‍ ഡെയ്ലി’, തമിഴില്‍ ‘കാട്രു വെളിയിടൈ’, ‘വിശ്വരൂപം 2’ എന്നീ സിനിമകളിലൂടെ ശ്രദ്ധേയനായ ഹോളിവുഡ് നടന്‍ മിര്‍ സാര്‍വാറാണ്. അക്ഷയ് കുമാറിന്റെ കേസരി എന്ന സിനിമയില്‍ മിര്‍ സാര്‍വര്‍ അവതരിപ്പിച്ച വില്ലന്‍ കഥാപാത്രത്തിന് വലിയ സ്വീകരണമാണ് ലഭിച്ചിരുന്നത്. അക്ഷയ് കുമാറിന്റെ ലക്ഷ്മിയില്‍ തുടര്‍ന്നും മിര്‍ സാര്‍വാറിന്റെ സാന്നിദ്ധ്യം ശ്രദ്ധേയമായിരുന്നു. ഫോറന്‍സിക് ആധാരമാക്കിയുള്ള ഇന്‍വെസ്റ്റ്‌റിഗേഷന്‍ ത്രില്ലറായിരിക്കും സമാറ. ബഹുഭാഷാ ചിത്രമെന്ന പ്രത്യേകതയും ഈ ചിത്രത്തിനുണ്ട്.
‘മൂത്തോനി’ലൂടെ ശ്രദ്ധേയയായ സഞ്ജന ദീപു, രാഹുല്‍ മാധവ്, ബിനോജ് വില്ല്യ, വീര്‍ ആര്യന്‍, ബില്ലി, വിവിയ ശാന്ത്, നീത് ചൗധരി എന്നിവര്‍ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. സമാറയില്‍ മര്‍മ്മ പ്രധാനമായ മറ്റൊരു കഥാപാത്രമായി എത്തുന്നത് പ്രമുഖ നടന്‍ ഭരത് ആണ്.
പ്രഗത്ഭരായ സാങ്കേതിക വിദഗ്ധരാണ് ചിത്രത്തിന്റെ അണിയറയില്‍ പ്രവര്‍ത്തിക്കുന്നത്. ഛായാഗ്രഹണം സിനു സിദ്ധാര്‍ത്ഥ്, എഡിറ്റിംഗ് അയൂബ് ഖാന്‍, സംഗീത സംവിധാനം ദീപക് വാര്യര്‍,കലാ സംവിധാനം രഞ്ജിത്ത് കോത്താരി എന്നിവരാണ് അണിയറ പ്രവര്‍ത്തകരില്‍ പ്രധാനികള്‍. ദിനേശ് കാശിയാണ് സംഘട്ടന രംഗങ്ങള്‍ ഒരുക്കിയിരിക്കുന്നത്. പീക്കോക് ആര്‍ട്ട് ഹൗസിന്റെ ബാനറില്‍എം. കെ സുഭാകരന്‍, അനുജ് വര്‍ഗീസ് വില്ല്യാടത്ത് എന്നിവര്‍ ചേര്‍ന്നു നിമ്മിക്കുന്ന പ്രഥമ ചിത്രമായ സമാറ അടുത്തു തന്നെ പ്രദര്‍ശനത്തിനെത്തും.
വാര്‍ത്താപ്രചരണം സി.കെ. അജയ് കുമാര്‍.
Recent Comments