കോവിഡ് പ്രതിസന്ധിക്കിടയില്‍ നര്‍മ്മത്തില്‍ ചാലിച്ച ചിരി എന്ന ചലചിത്രം പ്രേക്ഷകശ്രദ്ധ നേടി മുന്നേറുന്നു. ഫസ്റ്റ് ഷോസ് എന്ന ഒടിടിയിലൂടെയും ഇന്ത്യക്ക് പുറത്ത് യുപ്പ് ടിവിയിലൂടെയും ചിത്രം കാണുവാന്‍ അവസരമൊരുക്കിയിരിക്കുകയാണ് ഇതിന്റെ അണിയറ പ്രവര്‍ത്തകര്‍. ജൂലൈ രണ്ടാം തീയതിയാണ് പ്രദര്‍ശനം ആരംഭിച്ചത്.
ഡ്രീംബോക്‌സ് പ്രൊഡക്ഷന്‍സിന്റെ ബാനറില്‍ മുരളി ഹരിതം നിര്‍മ്മിച്ച ചിരിയില്‍ ജോ ജോണ്‍ ചാക്കോ, അനീഷ് ഗോപാല്‍, കെവിന്‍, മുരളി ഹരിതം, മേഘാ സത്യന്‍ എന്നിവര്‍ പ്രധാന വേഷങ്ങള്‍ കൈകാര്യം ചെയ്യുന്നു ജോസഫ് പി.കൃഷ്ണ സംവിധാനം ചെയ്ത ചിരിയില്‍ ശ്രീജിത്ത് രവി, സുനില്‍ സുഗത,വിശാഖ്. ഹരികൃഷ്ണന്‍, ഹരീഷ് പോത്തന്‍,ഷൈനി സാറാ, ജയശ്രീ, അനു പ്രഭ, സനൂജ,വര്‍ഷമേനോന്‍ തുടങ്ങിയവരും അഭിനയിക്കുന്നു.
ക്ഷണിക്കാതെ വന്ന സുഹൃത്തില്‍ നിന്നും ഒരു വ്യക്തിക്ക് വിവാഹ ദിവസങ്ങളില്‍ നേരിടേണ്ടിവന്ന പ്രശ്‌നങ്ങളും അതിനെ തുടര്‍ന്നുണ്ടാകുന്ന രസകരമായ സംഭവങ്ങളുമാണ് ചിത്രത്തില്‍ അവതരിപ്പിച്ചിരിക്കുന്നത്.
ചായാഗ്രഹണം നിര്‍വ
ഹിച്ചിരിക്കുന്നത് ജിന്‍സ് വില്‍സണ്‍ ആണ്. തിരക്കഥ സംഭാഷണം ദേവദാസ് രചിച്ചിരിക്കുന്നു. സംഗീതം. ജാസിഗിഫ്റ്റ് പ്രിന്‍സ്. പിആര്‍ഒ എം കെ ഷെജിന്‍ ആലപ്പുഴ.
Recent Comments