കൂടുതല്‍ കോവിഡ്-ലോക് ഡൗണ്‍ ഇളവുകള്‍ ഗവണ്‍മെന്റ് പ്രഖ്യാപിച്ചതിനു പിന്നാലെ സിനിമാ ഷൂട്ടിംഗിനും അനുമതി നല്‍കിയിരുന്നു. കര്‍ശന വ്യവസ്ഥകളോടെയാണ് അനുമതി നല്‍കിയിരിക്കുന്നത്. ഷൂട്ടിംഗിന്റെ ഭാഗമാകുന്ന എല്ലാവരും ഒരു ഡോസ് വാക്‌സിനെങ്കിലും എടുത്തിരിക്കണമെന്നാണ് നിര്‍ദ്ദേശം. ട്രിപ്പിള്‍ ലോക് ഡൗണ്‍ ഏര്‍പ്പെടുത്തിയിട്ടുള്ള ഡി വിഭാഗത്തിനു പുറമെ സി വിഭാഗത്തിലുള്ള സ്ഥലങ്ങളിലും ഷൂട്ടിംഗ് അനുവദനീയമല്ല. ലോക് ഡൗണിനെത്തുടര്‍ന്ന് 79 ദിവസമായി മലയാള സിനിമ സ്തംഭനാവസ്ഥയിലായിരുന്നു. ഇളവുകള്‍ അനുവദിച്ചതിനു പിന്നാലെ ഷൂട്ടിംഗും ആരംഭിച്ചിട്ടുണ്ട്. കണ്ണന്‍ താമരക്കുളം സംവിധാനം ചെയ്യുന്ന വിരുന്നിന്റെ ഷൂട്ടിംഗിനാണ് തുടക്കമായത്. നിര്‍ത്തിവച്ച പല ഷൂട്ടിംഗുകളും പുനരാരംഭിക്കാനുള്ള ഒരുക്കങ്ങളും നടന്നുവരുന്നു.
എന്നാല്‍ ഇതിനകം ഹൈദരാബാദില്‍ തുടങ്ങിയ ബ്രോഡാഡിയുടെ ചിത്രീകരണം കേരളത്തിലേയ്ക്ക് തിരിച്ചു വരുമെന്നുതരത്തിലുള്ള പ്രചരണമുണ്ടായിരുന്നു. ആ വാര്‍ത്ത ശരിയല്ല. ബ്രോഡാഡിയുടെ ഷൂട്ടിംഗ് ഹൈദരാബാദില്‍തന്നെ തുടരുമെന്ന് ആശിര്‍വാദ് സിനിമാസ് അറിയിച്ചിട്ടുണ്ട്.
ഷൂട്ടിംഗിന്റെ ഭാഗമായി മോഹന്‍ലാലും ഹൈദരാബാദില്‍ എത്തിയിട്ടുണ്ട്. 20-ാം തീയതി ഷൂട്ടിംഗ് പുനരാരംഭിക്കും.
Recent Comments