സ്വപ്നങ്ങള്‍ പലപ്പോഴും ജീവിതത്തിന് പ്രതീക്ഷയുടെ ജാലകമാണ് നല്‍കുന്നത്. സ്വപ്നങ്ങള്‍ക്ക് അപ്പുറം ആയ കാഴ്ചകളാണ് കുര്യന്‍ എന്ന യുവാവിന്റെ ജീവിതത്തിലൂടെ ചുരുള്‍ നിവരുന്നത്.
സംഭവിക്കാന്‍ പാടില്ലാത്ത ഒരു അനുഭവ കഥയാണ് സ്വപ്നങ്ങള്‍ക്കപ്പുറം എന്ന സിനിമയിലൂടെ വിഷയമാകുന്നത്. എന്‍ കെ ഭാസ്‌ക്കരന്‍ പയ്യന്നൂര്‍ എഴുതിയ ഗാനങ്ങള്‍ക്ക് പ്രേംകുമാര്‍ മുംബൈ ഈണം പകര്‍ന്ന് ബിജു നാരായണന്‍ ആലപിച്ച ചിത്രിത്തിലെ ആദ്യ ഗാനം പുറത്തിറങ്ങി.
പി & ജി സിനിമാസിന്റെ ബാനറില്‍ പ്രേം ആര്‍ നമ്പ്യാര്‍ സംവിധാനം ചെയ്യുന്ന ചിത്രമാണ് സ്വപ്നങ്ങള്‍ക്കപ്പുറം നിര്‍മ്മിക്കുന്നത് എന്‍. കെ ഭാസ്‌ക്കരന്‍ പയ്യന്നൂര്‍. കഥ, തിരക്കഥ, സംഭാഷണം എന്നിവ എന്‍ കെ ഭാസ്‌കരനാണ് നിര്‍വഹിക്കുന്നത്. ചായാഗ്രഹണം ഷാജി ജേക്കബ്. എഡിറ്റിംഗ് അനന്തു. കലാസംവിധാനം ബാലന്‍ കൈതപ്പുറം. പ്രൊഡക്ഷന്‍ കണ്‍ട്രോളര്‍ റിയാസ് മുഹമ്മദ്. വസ്ത്രാലങ്കാരം. ബാലന്‍ മട്ടന്നൂര്‍. മേക്കപ്പ് പുനലൂര്‍ രവി. കൊറിയോഗ്രാഫര്‍ ഇീതിയാസ് അബൂബക്കര്‍.സ്റ്റില്‍സ് സുധി കെ സഞ്ജു. ഡിസൈന്‍സ് സജീഷ് എം ഡിസൈന്‍സ്.
ദിവ്യദര്‍ശന്‍, ഇബ്രാഹിംകുട്ടി, സന്തോഷ് കീഴാറ്റൂര്‍, പ്രിയ സീമ ജി നായര്‍, തങ്കച്ചന്‍ (ഫ്‌ളവര്‍സ് ടി വി ഫെയിം), സന്തോഷ് കോമഡി സ്റ്റാര്‍, റോബിന്‍ മച്ചാന്‍, ശിവദാസന്‍മട്ടന്നൂര്‍, പ്രേംരാജ്, എന്‍. കെ ഭാസ്‌കരന്‍, സുമേഷ് തമ്പി, ഉഷ പയ്യന്നൂര്‍ തുടങ്ങിയവരാണ് അഭിനേതാക്കള്‍.
മിശ്രവിവാഹത്തിന്റെ പ്രാധാന്യവും പ്രണയ ജീവിതത്തിലെ ഗാഢമായ സ്‌നേഹബന്ധത്തിന്റെയും കഥയാണ് സ്വപ്നങ്ങള്‍ക്കപ്പുറം.
ഒരു സ്വകാര്യ ബാങ്കില്‍ ജീവനക്കാരനായ കുര്യന്റെയും റംലയുടെയും സംഭവബഹുലമായ കഥയാണ് സിനിമ പറയുന്നത്. ആക്ഷന്‍ ഒടിടി യിലൂടെയാണ് സ്വപ്നങ്ങള്‍ക്കപ്പുറം ഓഗസ്റ്റ് 30ന് പ്രേക്ഷകരിലേയ്ക്ക് എത്തുന്നത്. വാര്‍ത്താപ്രചരണം എം.കെ. ഷെജിന്‍ ആലപ്പുഴ.
Recent Comments