മേപ്പടിയാനിലൂടെ നിര്‍മ്മാണരംഗത്തെത്തിയ ഉണ്ണിമുകുന്ദന്‍ വൈകാതെ സംവിധായകനുമാകും. കാന്‍ ചാനലിന് അനുവദിച്ച അഭിമുഖത്തിലാണ് ഉണ്ണിയുടെ വെളിപ്പെടുത്തല്‍. തന്റെ ജീവിതത്തിലെ വലിയ ആഗ്രഹങ്ങളെ കുറിച്ച് ഉണ്ണി കാന്‍ചാനലിനോട് മനസ്സു തുറന്നു.
‘ഉണ്ണി മുകുന്ദന്‍ ഫിലിംസ് എന്ന നിര്‍മ്മാണ കമ്പനി തുടങ്ങാന്‍ സാധിച്ചതില്‍ സന്തോഷമുണ്ട്. കാരണം അതിലൂടെ കുറച്ച് പേര്‍ക്ക് തൊഴില്‍ ലഭിക്കുന്നു എന്നത് വലിയ കാര്യമാണ്. എന്നാല്‍ ഈ തീരുമാനം കുറച്ചു വൈകിയെന്നാണ് വിശ്വസിക്കുന്നത്. ഒരുപക്ഷെ 5 കൊല്ലം മുന്‍പ് തുടങ്ങിയിരുന്നെങ്കില്‍ ജീവിതത്തില്‍ ഒരുപാട് മാറ്റങ്ങള്‍ക്ക് കാരണമാകുമായിരുന്നു. നമ്മുടെ മനസ്സില്‍ സത്യസന്ധമായ ആഗ്രഹമുണ്ടെങ്കില്‍ അത് വെച്ച് താമസിപ്പിക്കാരുത്. അതിനെ കുറിച്ച് കൂടുതല്‍ ചര്‍ച്ച ചെയ്യാനും പാടില്ല. എത്രയും നേരത്തെ അത് പ്രാവര്‍ത്തികമാക്കണം. ചെറുപ്രായത്തിലാണ് നിര്‍ണ്ണായക തീരുമാനം എടുക്കേണ്ടത്. ഒരുപക്ഷെ തീരുമാനം തെറ്റിയാലും തിരികെ എത്താന്‍ അത് ഉപകരിക്കും. സിനിമ നടനാകുക, സിനിമ നിര്‍മ്മിക്കുക എന്നത് പോലെ തന്നെ മറ്റൊരു തീവ്രമായ ആഗ്രഹമുണ്ട്. ഒരു സിനിമ സംവിധാനം ചെയ്യുക. തീര്‍ച്ചയായും അതും ഉടന്‍ ഉണ്ടാകും. ഒരു വ്യക്തി എന്ന നിലയില്‍ ഒരുപാട് മാറ്റം കഴിഞ്ഞ അഞ്ചു കൊല്ലത്തിനിടെ എനിക്ക് സംഭവിച്ചു, സിനിമയോടുള്ള വീക്ഷണത്തിലും അത് പ്രതിഫലിക്കുന്നുണ്ട്. അതുകൊണ്ട് തന്നെ ഈ മേഖലയില്‍ ഒരുപാട് കാര്യങ്ങള്‍ ചെയ്യാന്‍ സാധിക്കുമെന്നാണ് വിശ്വാസം.’ ഉണ്ണി മുകുന്ദന്‍ പറയുന്നു.
വീഡിയോ കാണാം
Recent Comments