ആരാധകര്‍ ഏറെ പ്രതീക്ഷയോടെ കാത്തിരിക്കുന്ന വിജയ് ചിത്രമാണ് ബീസ്റ്റ്. ഒരു ആക്ഷന്‍ എന്റര്‍ടെയിനറായ ചിത്രം നെല്‍സണ്‍ ദിലീപ് കുമാറാണ് സംവിധാനം ചെയുന്നത്. നിര്‍മ്മാണം സണ്‍ പിക്‌ച്ചേഴ്‌സ്. നിലവില്‍ ചിത്രീകരണം പുരോഗമിക്കുന്ന ചിത്രത്തിന്റെ ചെന്നൈ ഷെഡ്യൂള്‍ പൂര്‍ത്തിയായി.
ചെന്നൈയിലെ ഒരു മാളില്‍ ആയിരുന്നു ചിത്രീകരണം നടന്നത്. ക്ലൈമാക്‌സ് രംഗങ്ങള്‍ ചിത്രീകരിക്കാന്‍ സംഘം ഉടന്‍തന്നെ റഷ്യയിലേക്ക് തിരിക്കും. 2021 നവംബറോടെ ഷൂട്ടിംഗ് പൂര്‍ത്തിയാക്കാനാണ് തീരുമാനം. 2022 ജനുവരിയില്‍ സിനിമ റിലീസ് ചെയ്യും.
മലയാളത്തില്‍നിന്ന് നടന്‍ ഷൈന്‍ ടോം ചാക്കോ ഒരു പ്രധാന വേഷത്തില്‍ എത്തുന്നുണ്ട്. കൂടാതെ പൂജ ഹെഗ്‌ഡെ, അപര്‍ണ ദാസും യോഗി ബാബുവും, വി.ടി.വി. ഗണേഷ് എന്നിവര്‍ മറ്റ് വേഷങ്ങള്‍ കൈകാര്യം ചെയുന്നു.
അനിരുദ്ധ് രവിചന്ദറിന്റേതാണ് സംഗീതം. മനോജ് പരമഹംസയാണ് ഛായാഗ്രഹണം നിര്‍വഹിക്കുന്നത്.
Recent Comments