പ്രഭാസും പൂജ ഹെഗ്ഡെയും പ്രധാന വേഷങ്ങളില്‍ എത്തുന്ന ചിത്രമാണ് രാധേ ശ്യാം. ഇതൊരു പ്രണയകഥയാണ്. ശ്രീകൃഷ്ണ ജയന്തിക്ക് ആശംസകള്‍ അര്‍പ്പിച്ചുകൊണ്ടാണ് രാധേ ശ്യാമിന്റെ പുതിയ പോസ്റ്റര്‍ അണിയറപ്രവര്‍ത്തകര്‍ പുറത്ത് വിട്ടിരിക്കുന്നത്. രാധാകൃഷ്ണ കുമാറാണ് സംവിധായകന്‍.
2018 ല്‍ ചിത്രീകരണം ആരംഭിച്ച സിനിമയാണിത്. ലോക് ഡൗണിനെത്തുടര്‍ന്ന് ചിത്രീകരണം നീണ്ടു. വിഎഫ്എക്‌സിനും ഏറെ സാവകാശം വേണ്ടിവന്ന ചിത്രമാണിത്. മൂന്നു വര്‍ഷമെടുത്തു പൂര്‍ത്തിയാക്കാന്‍. 2022 ജനുവരി 14ന് ചിത്രം പ്രദര്‍ശനത്തിന് എത്തും.
മലയാളത്തില്‍ നിന്ന് ജയറാമും ചിത്രത്തിലെ പ്രധാന വേഷം ചെയ്യുന്നു. ഭാഗ്യശ്രീ, മുരളി ശര്‍മ്മ, സച്ചിന്‍ ഖേദേക്കര്‍, പ്രിയദര്‍ശി പുലികോണ്ട, കുനാല്‍ റോയ് കപൂര്‍, സാഷാ ചെത്രി, റിധി കുമാര്‍ എന്നിവരാണ് മറ്റ് അഭിനേതാക്കള്‍.
Recent Comments