ഏറെക്കാലത്തിനു ശേഷം സുരേഷ് ഗോപിയുടെ മാസ് സിനിമ ‘കാവലി’ന്റെ സെന്‍സറിംഗ് പൂര്‍ത്തിയായി. നിഥിന്‍ രഞ്ജിപണിക്കര്‍ രചനയും സംവിധാനവും നിര്‍വഹിച്ച ചിത്രത്തിന്റെ ട്രെയിലര്‍ ഏറെ വൈറലായിരുന്നു. അച്ഛന്‍ രഞ്ജി പണിക്കരും ചിത്രത്തില്‍ പ്രധാന വേഷത്തിലെത്തുന്നുണ്ട്. സയാ ഡേവിഡാണ് മുഖ്യ സ്ത്രീകഥാപാത്രം.
രണ്ട് ഗെറ്റപ്പുകളിലാകും സുരേഷ് ഗോപിയും രഞ്ജിയും ചിത്രത്തില്‍ എത്തുക. മുന്‍ കാലങ്ങളിലേതു പോലെ ഒരു പവര്‍ പാക്ക്ഡ് കഥാപാത്രമായിരിക്കും സുരേഷ് ഗോപിയുടേതെന്ന് സംവിധായകന്‍ പറയുന്നു.
ഗുഡ്വില്‍ എന്റര്‍ടൈന്‍മെന്റ്‌സിന്റെ ബാനറില്‍ ജോബി ജോര്‍ജാണ് ചിത്രം നിര്‍മ്മിച്ചിരിക്കുന്നത്. ഐ.എം വിജയന്‍, അലന്‍സിയര്‍, പത്മരാജ് രതീഷ്, സുജിത് ശങ്കര്‍, സന്തോഷ് കീഴാറ്റൂര്‍, കിച്ചു ടെല്ലസ്, ബിനു പപ്പു, മോഹന്‍ ജോസ്, കണ്ണന്‍ രാജന്‍ പി ദേവ്, മുരുകന്‍, മുത്തുമണി തുടങ്ങിയവരാണ് മറ്റു പ്രമുഖ താരങ്ങള്‍.
ഛായാഗ്രഹണം നിഖില്‍ എസ്. പ്രവീണ്‍. സംഗീതം രഞ്ജിന്‍ രാജ്, എഡിറ്റിംഗ് മന്‍സൂര്‍ മുത്തൂട്ടി.
Recent Comments