പൃഥ്വിരാജിനെ കേന്ദ്ര കഥാപാത്രമാക്കി രവി കെ. ചന്ദ്രന്‍ സംവിധാനം ചെയ്യുന്ന ത്രില്ലര്‍ ചിത്രം ‘ഭ്രമം’ ഒക്ടോബര്‍ 7ന് പ്രേക്ഷകരുടെ മുന്നിലെത്തും. ആമസോണ് പ്രൈമിലാണ് ചിത്രം റിലീസ് ചെയ്യുന്നത്. ഇന്ത്യ ഒഴികെയുള്ള രാജ്യങ്ങളില്‍ തിയറ്ററുകളിലും ചിത്രം ഇതേദിവസം പ്രദര്‍ശനത്തിന് എത്തുമെന്ന് പൃഥ്വിരാജ് അറിയിച്ചു.
എ പി ഇന്റര്‍നാഷണലിന്റെ ബാനറില്‍ നിര്‍മ്മിക്കുന്ന ചിത്രത്തില്‍ മറ്റ്
പ്രധാനവേഷത്തില്‍ ഉണ്ണി മുകുന്ദനും മംമ്ത മോഹന്‍ദാസും എത്തുന്നു. ശങ്കര്‍, ജഗദീഷ്, സുധീര്‍ കരമന, രാശി ഖന്ന, സുരഭി ലക്ഷ്മി, അനന്യ എന്നിവരും അഭിനയിക്കുന്നു.
തിരക്കഥ, സംഭാഷണം ഒരുക്കിയിരിക്കുന്നത് ശരത് ബാലന്‍ ആണ്. ലൈന്‍ പ്രൊഡ്യുസര്‍-ബാദുഷ എന്‍ എം, എഡിറ്റിംഗ്- ശ്രീകര്‍ പ്രസാദ്, സംഗീത സംവിധാനം- ജാക്സ് ബിജോയ്, അസ്സോസിയേറ്റ് ഡയറക്ടര്‍- ജിത്തു അഷ്റഫ്, സൂപ്പര്‍വൈസിങ് പ്രൊഡ്യൂസര്‍- അശ്വതി നടുത്തൊടി, പ്രൊഡക്ഷന്‍ കണ്‍ട്രോളര്‍-ജിനു പി കെ, സ്റ്റീല്‍സ്-ബിജിത് ധര്‍മ്മടം, മേക്കപ്പ്-റോണക്‌സ് സേവ്യര്‍
ഇന്ത്യന്‍ സിനിമയിലെ ഏറ്റവും മികച്ച ഛായാഗ്രാഹകരില്‍ ഒരാളാണ് രവി കെ ചന്ദ്രന്‍. മലയാളം,തമിഴ്, ബോളിവുഡ് തുടങ്ങി നിരവധി ചിത്രങ്ങളുടെ ഛായാഗ്രഹണം നിര്‍വ്വഹിച്ചിട്ടുണ്ട്. ആയുധ എഴുത്ത്, ബോയ്സ്, ബ്ലാക്ക്, സാവരിയ, ഏഴാം അറിവ്, ഗജനി തുടങ്ങി നിരവധി ചിത്രങ്ങളുടെ ഛായാഗ്രാഹകനാണ്. രണ്ട് ഫിലിംഫെയര്‍ അവാര്‍ഡുകളും ഒരു സൗതേണ്‍ ഫിലിംഫെയര്‍ അവാര്‍ഡും അദ്ദേഹം നേടിയിട്ടുണ്ട്. യാന്‍ എന്ന തമിഴ് ചിത്രത്തിന്റെ സംവിധായകനുമാണ്.
ആയുഷ്മാന്‍ ഖുറാനയും തബുവും പ്രധാന കഥാപാത്രങ്ങളായി അഭിനയിച്ച് 2018ല്‍ പുറത്തിറങ്ങിയ ‘അന്ദാധുന്‍’ എന്ന ബോളിവുഡ് ചിത്രത്തിന്റെ റീമേക്കാണ് ഭ്രമം.
Recent Comments