ടൊവിനോ തോമസിന് ജന്മദിനാശംസള്‍ നേര്‍ന്നുകൊണ്ട് ‘അന്വേഷിപ്പിന്‍ കണ്ടെത്തും’ ടീം മാഷപ്പ് വീഡിയോ പുറത്തുവിട്ടു. താരത്തിന്റെ പിറന്നാള്‍ ആവേശത്തോടെ ആഷോഷിക്കാനൊരുങ്ങുന്ന ആരാധകര്‍ക്ക് ചിത്രത്തിന്റെ ലൊക്കേഷനിലെ വിഷ്വല്‍സ് ചേര്‍ത്തുകൊണ്ടാണ് മാഷപ്പ് വീഡിയോ തയ്യാറാക്കിയിരിക്കുന്നത്.
തീയറ്റര്‍ ഓഫ് ഡ്രീംസിന്റെ ബാനറില്‍ ഡോള്‍വിന്‍ കുര്യാക്കോസ്, ജിനു വി എബ്രാഹാം, എന്നിവര്‍ക്കൊപ്പം സരിഗമയുടെ ബാനറില്‍ വിക്രം മെഹ്‌റയും സിദ്ധാര്‍ഥ് ആനന്ദ് കുമാറും ചേര്‍ന്ന് നിര്‍മ്മിക്കുന്ന ‘അന്വേഷിപ്പിന്‍ കണ്ടെത്തും’ ഫെബ്രുവരി 9നാണ് തിയറ്റര്‍ റിലീസ് ചെയ്യാന്‍ തീരുമാനിച്ചിരിക്കുന്നത്. ടൊവിനോ തോമസ് പൊലീസ് വേഷത്തിലെത്തുന്ന ഈ ചിത്രം ടൊവിനോയുടെ കരിയറിലെ തന്നെ ഏറ്റവും നിര്‍ണ്ണായകമായ സിനിമയാണ്. അടുത്തിടെ പുറത്തുവിട്ട ചിത്രത്തിന്റെ ടീസറും പ്രേക്ഷക ശ്രദ്ധ ആകര്‍ഷിച്ചിരുന്നു. റിലീസ് ചെയ്ത് നിമിഷങ്ങള്‍ക്കുള്ളില്‍ മില്യണ്‍ വ്യൂവ്‌സും കടന്ന ടീസര്‍ വലിയ രീതിയിലുള്ള സ്വീകാര്യതയാണ് നേടിയത്. ദക്ഷിണേന്ത്യയിലെ മികച്ച സംഗീത സംവിധായകരിലൊരാളായ സന്തോഷ് നാരായണന്‍ സംഗീതവും പശ്ചാത്തല സംഗീതവും നിര്‍വഹിക്കുന്ന ആദ്യ മലയാള സിനിമ എന്ന സവിശേഷതയും ചിത്രത്തിനുണ്ട്.
Recent Comments