ഹിന്ദി സിനിമ-ടെലിവിഷന്‍ താരവും ബിഗ് ബോസ് സീസണ്‍ 13 വിജയിയുമായ സിദ്ധാര്‍ത്ഥ് ശുക്ല അന്തരിച്ചു. ഹൃദയാഘാതത്തെ തുടര്‍ന്നായിരുന്നു അന്ത്യം. 40 വയസ്സായിരുന്നു. അമ്മയും രണ്ട് സഹോദരിമാരും ഉണ്ട്.
2008ല്‍ ‘ബാബുല്‍ കാ ആങ്കന്‍ ചോട്ടി നാ’ എന്ന സീരിയലിലൂടെയാണ് അഭിനയ രംഗത്തേയ്ക്ക് എത്തുന്നത്. തുടര്‍ന്ന് 2014ല്‍ സാവ്ധാന്‍ ഇന്ത്യ, 2015 ഇന്ത്യ ഗോട്ട് ടാലെന്റ്‌റ് 6 തുടങ്ങിയ ഷോകള്‍ ഹോസ്റ്റ് ചെയ്ത് സിദ്ധാര്‍ഥ് ആയിരുന്നു.
അടുത്തിടെ റിയാലിറ്റി ഷോകളായ ബിഗ് ബോസ് ഒടിടിയിലും ഡാന്‍സ് ദീവാനെ 3 ലും കാമുകി ഷെഹ്നാസ് ഗില്ലിനൊപ്പം പ്രത്യക്ഷപ്പെട്ടിരുന്നു.
2014ല്‍ പുറത്തിറങ്ങിയ ‘ഹംപ്റ്റി ശര്‍മ്മ കെ ദുല്‍ഹാനിയ’ ആയിരുന്നു ആദ്യ സിനിമ. ഏക്താ കപൂറിന്റെ ജനപ്രിയ ഷോയായ ‘ബ്രോക്കണ്‍ ബട്ട് ബ്യൂട്ടിഫുള്‍ 3’യില്‍ അഗസ്ത്യയുടെ വേഷം അവതരിപ്പിച്ചതും സിദ്ധാര്‍ഥ് ആയിരുന്നു.
Recent Comments