അഭിനയം മാത്രമല്ല തനിക്ക് പാടുവാനും സാധിക്കുമെന്ന് തെളിയിച്ചിരിക്കയാണ് അപ്പാനി ശരത്. ‘കിര്‍ക്കന്‍’ എന്ന തന്റെ പുതിയ ചിത്രത്തിന് വേണ്ടി പാടിക്കൊണ്ടാണ് അപ്പാനി സിനിമാ പിന്നണി ഗാനരംഗത്തേക്ക് കടന്നു വന്നിരിക്കുന്നത്. പാട്ട് സമൂഹ മാധ്യമങ്ങളില്‍ വൈറലായിരിക്കുകയാണ്. ഗാനരംഗത്തിലുള്ള അപ്പാനിയുടെ ഡാന്‍സും പ്രത്യേക ശ്രദ്ധ നേടിയിരിക്കുകയാണ്.
ജോബി ജോസ് സിനിമാസിനുവേണ്ടി ജോബി ജോസ് നിര്‍മ്മിക്കുന്ന ചിത്രത്തിന്റെ സംവിധാനം നിര്‍വ്വഹിച്ചിരിക്കുന്നത് ജോഷാണ്. ഹരി സാഗര്‍, ആര്‍ ജെ അജീഷ് സാരംഗി എന്നിവരുടെ വരികള്‍ക്ക് മണികണ്ഠന്‍ അയ്യപ്പയാണ് സംഗീതം ഒരുക്കുന്നത്.
അപ്പാനിശരത്തിനെ കൂടാതെ മഖ്ബൂല്‍ സല്‍മാന്‍, സലിംകുമാര്‍, കനി കുസൃതി, വിജയരാഘവന്‍, ജോണി ആന്റണി, അനാര്‍ക്കലി മരക്കാര്‍ തുടങ്ങിയവരും പ്രധാന വേഷങ്ങളില്‍ എത്തുന്നു. നാടകരംഗത്ത് നിന്നുള്ള 27 പുതുമുഖങ്ങളും ചിത്രത്തിന്റെ ഭാഗമാകുന്നു. ഒരു പോലീസ് സ്റ്റേഷനില്‍ ഒരു ദിവസം നടക്കുന്ന സംഭവങ്ങളെ ആസ്പദമാക്കിയുള്ളതാണ് ചിത്രം. 28 ദിവസങ്ങള്‍ കൊണ്ടാണ് ചിത്രീകരണം പൂര്‍ത്തിയാക്കിയത്. പാലക്കാടായിരുന്നു പ്രധാന ലൊക്കേഷന്‍. ഡിസംബര്‍ അവസാനത്തോടെ ചിത്രം പ്രദര്‍ശനത്തിനൊത്തും. പിആര്‍ഒ മഞ്ജു ഗോപിനാഥ്.
Recent Comments