സുരേഷ് ഗോപിയുടെ വിജയത്തെക്കുറിച്ചും മന്ത്രിസ്ഥാനത്തെക്കുറിച്ചും നടന്‍ ബൈജു സന്തോഷ് എഴുതിയെന്ന തരത്തില്‍ സമൂഹമാധ്യമങ്ങളില്‍ പ്രചരിക്കുന്ന കുറിപ്പ് വസ്തുതാവിരുദ്ധമെന്ന് താരം. ഇങ്ങനൊരു കുറിപ്പുമായി തനിക്കാതൊരു ബന്ധവുമില്ലെന്ന് താരം പറഞ്ഞു.
‘ഞാന്‍ എഴുതിയതെന്ന പേരില്‍ ഒരു കുറിപ്പ് പ്രചരിക്കുന്നത് അറിഞ്ഞു. സുരേഷ് ഗോപി ചേട്ടനെപ്പറ്റി ഞാന്‍ എഴുതിയത് എ്‌ന രീതിയിലാണ് ആ കുറിപ്പ് ആളുകള്‍ പ്രചരിപ്പിക്കുന്നത്. ആ പോസ്റ്റുമായി എനിക്കൊരു ബന്ധവുമില്ല. അത് ഞാന്‍ എഴുതിയതോ പറഞ്ഞതോ അല്ല. ഇത് ഏതൊ ഒരാളുടെ ഭാവനയില്‍ ഉണ്ടായതാണ് അല്ലാതെ എനിക്ക് ഇതുമായി യാതൊരു ബന്ധവുമില്ല. ആ പോസ്റ്റ് കണ്ടാല്‍ സ്വപ്‌നം കാണുന്നതുപോലെയാണ് എഴുതിയിരിക്കുന്നത് ‘അമ്മയുടെ ഓഫീസിലേയ്ക്ക് നടന്നു കയറുന്ന നിമിഷം’ എന്നൊക്കെ. ആരോ ഫാന്റസി ലോകത്ത് ഇരുന്ന് എഴുതുന്നതുപോലെയുണ്ട്.’
‘ഞാന്‍ എന്തിനാണ് അങ്ങനെയൊക്കെ എഴുതുന്നത്. സുരേഷ് ഗോപി ചേട്ടന്‍ വിജയിച്ചതില്‍ സന്തോഷമുണ്ട്. അദ്ദേഹത്തിന്റെ വിജയം ബിജെപി എന്ന പാര്‍ട്ടിയുടെ വിജയമല്ല, അത് അദ്ദേഹത്തിന്റെ സ്വന്തം വിജയമാണ്. അല്ലെങ്കില്‍ ബിജെപിയുടെ സ്ഥാനാര്‍ത്ഥികള്‍ എല്ലാ ംവിജയിക്കണ്ടേ. അത് രുഷേ ഗോപി എന്ന വ്യക്തിക്ക് കിട്ടിയ വിജയമാണ്. അദ്ദേഹം വിജയിക്കണം എന്ന് ഞാന്‍ ആഗ്രഹിച്ചിരുന്നു. മാത്രമല്ല ഇനി ആ മണ്ഡലത്തില്‍ എന്തെങ്കിലുമൊക്കെ വികസനം ഉണ്ടാവുകയും ചെയ്യും. ഒരു സംശയവുമില്ല. എന്നു കരുതി സ്വപ്‌നാടനം നടത്തുന്നതുപോലെയുള്ള ആ കുറിപ്പ് ഞാന്‍ എഴുതിയതായി ആരും പ്രചരിപ്പിക്കരുത്. ഞാന്‍ സ്വപ്‌നം കാണാറില്ല.’ ബൈജു സന്തോഷ് പറഞ്ഞു.
ബൈജുവിന്റേതെന്ന പേരില്‍ സമൂഹമാധ്യമങ്ങളില്‍ പ്രചരിച്ച കുറിപ്പ് –
‘എനിക്കൊരു ചെറിയ ആഗ്രഹമുണ്ട്… ആ കൊടി വച്ചകാറില്‍, പ്രോട്ടോക്കോളും കരിംപൂച്ചകളും സഹിതം… ‘അമ്മ’യുടെ ഓഫീസിലേയ്ക്ക് അയാള്‍ നടന്ന് കയറുന്ന നിമിഷം. അവിടുള്ളവന്മാരുടെ മുഖത്ത് വിരിയുന്ന ഭാവം ഒന്ന് കാണണം… മൂന്നോ നാലോ ഉള്ളൂ എങ്കിലും കെട്ടകാലത്ത് കൈവിടാതെ ചേര്‍ത്ത് പിടിച്ചവരുടെ അഭിമാനവും ഒന്നു കാണണം. ജീവിതത്തിലും തിരശ്ശീലയിലും അഭിനയിക്കുന്നവന്മാരുടെ ഇടയിലൂടെ തിരശ്ശീലയില്‍ മാത്രം അഭിനയിക്കാന്‍ അറിയുന്നൊരാളെ വിശ്വസിക്കുന്ന ദൈവങ്ങള്‍ കൈവിടാതെ കാത്തത് എങ്ങനെയെന്ന് അവരുടെ മുഖത്തൂന്ന് വായിച്ചെടുക്കണം.
പത്തു മുപ്പത് വര്‍ഷമായി സിനിമ മേഖലയില്‍ ആര്‍്കകും ഉപദ്രവം ചെയ്യാതെ പറ്റാവുന്നവര്‍ക്ക് ഒക്കെ സഹായം ചെയ്‌തൊരുവനേ ആപത്ഘട്ടങ്ങളില്‍ പരസ്യമായി ഒന്ന് പിന്തുണയ്ക്കാതെ തമ്പുരാന്മാരെ ഭയന്ന് ജീവിച്ച ഫേക്ക ഹീറോകളുടെ സഹപ്രവര്‍ത്തകനോടുള്ള കരുതല്‍ അഭിനയങ്ങള്‍ സിനിമയ്‌കോപ്പില്‍ 8K യില്‍തന്നെ കാണണം.’
Recent Comments