സൂപ്പര്‍സ്റ്റാര്‍ രജനീകാന്തിനെ നായകനാക്കി ശിവ സംവിധാനം ചെയ്യുന്ന ഏറ്റവും പുതിയ ചിത്രമാണ് ‘അണ്ണാത്തെ’. ചിത്രത്തിന്റെ ഡബ്ബിംഗിനായി രജനീകാന്ത് എത്തിയത് വലിയ വാര്‍ത്തയായിരുന്നു. എന്നാല്‍ ഇപ്പോള്‍ ചിത്രത്തില്‍ പ്രധാന വേഷങ്ങളിലൊന്ന് കൈകാര്യം ചെയ്യുന്ന നടന്‍ ബാലയ്ക്ക് ചിത്രീകരണത്തിനിടെ കണ്ണിനു പരിക്കേല്‍ക്കുകയുണ്ടായി. ലഖ്‌നൗവിലെ ലൊക്കേഷനില്‍വച്ച് സംഘട്ടന രംഗം ചിത്രീകരണത്തിനിടെയാണ് അപകടം ഉണ്ടായത്. വെള്ളിയാഴ്ചയായിരുന്നു സംഭവം, ഉടന്‍തന്നെ വൈദ്യസഹായം തേടുകയും ചെയ്തു. നടന്റെ വലത് കണ്ണില്‍ നിന്ന് ചോര വന്നുവെങ്കില്‍കൂടി പരുക്ക് സാരമുള്ളതല്ല. പിന്നീട് നാലു മണിക്കൂറിനു ശേഷം ചിത്രീകരണം പുനരാരംഭിക്കുകയും ചെയ്തു. ബാല ഇന്ന് കൊച്ചിയില്‍ തിരിച്ചെത്തി.
രജനികാന്തും സംവിധായകന്‍ ശിവയും ആദ്യമായി ഒന്നിക്കുന്ന ‘അണ്ണാത്തെ’ ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ്. ‘ദര്‍ബാറി’ന് ശേഷം നയന്‍താര രജനിയുടെ നായികയായി എത്തുന്ന ചിത്രത്തില്‍ കീര്‍ത്തി സുരേഷ്, മീന, കുശ്ബു, സൂരി തുടങ്ങിയവര്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. ഡി. ഇമാനാണ് സംഗീതം.
ഷെരുണ്‍ തോമസ്
Recent Comments