കിരീടം സിനിമയിലെ വില്ലൻ കഥാപാത്രമായ കീരിക്കാടൻ ജോസിനെ അവതരിപ്പിച്ച നടൻ മോഹൻ രാജ് അന്തരിച്ചു.ഏറെക്കാലമായി അസുഖബാധിതനായി ചികിത്സയിലായിരുന്നു. തിരുവനന്തപുരം കാഞ്ഞിരംകുളത്തെ വീട്ടിൽ വെച്ചായിരുന്നു അന്ത്യം. പാർക്കിൻസൺസ് രോഗബാധിതനായിരുന്നു.
കസ്റ്റംസിൽ എൻഫോഴ്സ്മെന്റ് ഉദ്യോഗസ്ഥനായിരുന്നു. സുഹൃത്തും സംവിധായകനുമായ കലാധരൻ മുഖേനെയാണ് സിനിമയിലേയ്ക്കെത്തുന്നത്. മൂന്നാം മുറ എന്ന ചിത്രത്തിൽ മോഹൻരാജ് ചെറിയൊരു വേഷം ചെയ്തിരുന്നു. കിരീടത്തിൽ അദ്ദേഹം അവതരിപ്പിച്ച കീരിക്കാടൻ ജോസ് എന്ന വില്ലൻ കഥാപാത്രം വലിയ പ്രസിദ്ധി നേടിക്കൊടുത്തു. പിന്നീട് ആ പേരിലാണ് മോഹൻരാജ് അറിയപ്പെട്ടത്. കിരീടത്തിന്റെ രണ്ടാം ഭാഗമായ ചെങ്കോൽ എന്ന സിനിമയിലും അദ്ദേഹം കീരിക്കാടൻ ജോസായി അഭിനയിച്ചു. മലയാളം,തമിഴ്,തെലുങ്കു സിനിമകളിലെ പ്രധാന വില്ലനായി തൊണ്ണൂറുകളിൽ മോഹൻരാജ് അഭിനയിച്ചു. ചില ടെലിവിഷൻ സീരിയലുകളിലും അദ്ദേഹം അഭിനയിച്ചിട്ടുണ്ട്.
മോഹൻ രാജിന്റെ ഭാര്യ ഉഷ. രണ്ട് മക്കളാണ് അദ്ദേഹത്തിനുള്ളത്. ജെയ്ഷ്മ, കാവ്യ.
Recent Comments