ജിയോ ബേബി സംവിധാനം ചെയ്യുന്ന മമ്മൂട്ടി-ജ്യോതിക ചിത്രം കാതലിന്റെ ലൊക്കേഷനില്‍ സൂര്യ എത്തി. കോലഞ്ചേരി ബ്രൂക്ക് സൈഡ് ക്ലബ്ബില്‍ നടന്ന ഷൂട്ടിനിടയിലാണ് സൂര്യ അതിഥിയായി എത്തിയത്. മമ്മൂട്ടിയോടും ജ്യോതികയോടും കാതല്‍ ടീമിനോടും ഏറെ സമയം ചെലവഴിച്ചു. മമ്മൂട്ടിക്കും ജ്യോതികയ്ക്കുമൊപ്പം ഉച്ചഭക്ഷണവും കഴിച്ചാണ് സൂര്യ മടങ്ങിയത്. ഉച്ചകഴിഞ്ഞ ജ്യോതികയ്ക്ക് വര്‍ക്ക് ഇല്ലാത്തതിനാല്‍ അവരും സൂര്യയ്‌ക്കൊപ്പം മടങ്ങി. ഇന്നലെയാണ് സൂര്യ കേരളത്തില്‍ എത്തിയത്.
കഴിഞ്ഞ ദിവസം ഷൂട്ടിനിടയില്‍ ഒരാള്‍ പകര്‍ത്തിയ മമ്മൂട്ടിയുടെ സ്ഥാനാര്‍ഥിയായുള്ള പോസ്റ്റര്‍ സോഷ്യല്‍ മീഡിയയില്‍ ഏറെ തരംഗമായിരുന്നു. മമ്മൂട്ടി കമ്പനി നിര്‍മ്മാണം നിര്‍വഹിക്കുന്ന കാതല്‍ ദുല്‍ഖര്‍ സല്‍മാന്റെ വേഫേറെര്‍ ഫിലിംസ് ആണ് വിതരണം നിര്‍വഹിക്കുന്നത്.
Recent Comments