‘പിങ്ക് നോട്ട്’ എന്ന ചിത്രത്തിലൂടെ വീണ്ടും കന്നഡ സിനിമയില്‍ ചുവടുറപ്പിക്കാന്‍ ഒരുങ്ങുകയാണ് ഭാവന. ജി.എന്‍. രുദ്രേഷ് സംവിധാനം ചെയ്യുന്ന ചിത്രത്തില്‍ താരം ഇരട്ട വേഷത്തിലാണ് എത്തുന്നത്.
ഇരട്ട സഹോദരിമാരുടെ ജീവിതത്തില്‍ നടക്കുന്ന സംഭവങ്ങളാണ് ചിത്രം പറയുന്നത്. ഒരു യഥാര്‍ത്ഥ സംഭവത്തെ അധികരിച്ച് ഒരുക്കുന്ന ചിത്രം, ശക്തമായ സ്ത്രീപക്ഷ സിനിമയാണ്.
രണ്ട് ദിവസം മുന്‍പായിരുന്നു ചിത്രത്തിന്റെ പൂജയും സ്വിച്ച് ഓണ്‍ കര്‍മ്മവും നടന്നു. ജാസി ഗിഫ്റ്റാണ് സംഗീതം ഒരുക്കുന്നത്.
ശിവരാജ് കുമാര്‍ നായകനായ ബജ്രംഗി 2 ആണ് ഭാവനയുടേതായി ഒടുവില്‍ പുറത്തിറങ്ങിയ കന്നഡ ചിത്രം. 2021 ഒക്ടോബറിലാണ് ചിത്രം തീയേറ്ററുകളില്‍ പ്രദര്‍ശനത്തിനെത്തിയത്.
അതേ സമയം ആദില്‍ മൈമൂനാദ് അഷറഫ് സംവിധാനം ചെയ്യുന്ന ‘ന്റിക്കാക്കാക്കൊരു പ്രേമണ്ടാര്‍ന്ന്!’ എന്ന മലയാളത്തിലും സജീവമാകാന്‍ ഒരുങ്ങുകയാണ് ഭാവന. സിനിമയുടെ ചിത്രീകരണം ഉടന്‍ ആരംഭിക്കും. ചിത്രത്തില്‍ ഷറഫുദ്ദിനാണ് നായകവേഷത്തിലെത്തുന്നത്.
Recent Comments