ചലച്ചിത്ര നടി കോഴിക്കോട് ശാരദ അന്തരിച്ചു, 84വയസ്സായിരുന്നു. വാർദ്ധക്യ സംബന്ധമായ രോഗത്തെ തുടർന്ന് കോഴിക്കോട് മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു. ഹൃദയാഘാതത്തെ തുടർന്നായിരുന്നു അന്ത്യം.
നാടകങ്ങളിലൂടെയാണ് അഭിനയ ജീവിതം ആരംഭിച്ചത്.1979ല്‍ അങ്കക്കുറി എന്ന സിനിമയിലൂടെയായിരുന്നു ചലച്ചിത്ര ലോകത്തേക്കുള്ള അരങ്ങേറ്റം. നിരവധി ടി വി സീരിയലുകളിലും അഭിനയിച്ചിട്ടുണ്ട്.
1985-87 കാലങ്ങളില്‍ ഐ.വി. ശശി സംവിധനം ചെയ്ത അനുബന്ധം, നാല്‍ക്കവല, അന്യരുടെ ഭൂമി എന്നീ ചിത്രങ്ങളില്‍ അഭിനയിച്ചു. ഉത്സവപ്പിറ്റേന്ന്, സദയം, സല്ലാപം, കിളിച്ചുണ്ടന്‍ മാമ്പഴം, അമ്മക്കിളിക്കൂട്, യുഗപുരുഷന്‍, കുട്ടിസ്രാങ്ക് തുടങ്ങി എണ്‍പതോളം ചിത്രങ്ങളില്‍ ശാരദ അഭിനയിച്ചിട്ടുണ്ട്.
Recent Comments