തെന്നിന്ത്യന്‍ നടി സാമന്ത ഇപ്പോള്‍ സ്വന്തമായി ഒരു പ്രൊഡക്ഷന്‍ ഹൗസ് ആരംഭിച്ചിരിക്കുകയാണ്. ‘ട്രലാല മൂവിംഗ് പിക്ചേഴ്സ്’ എന്നാണ് ഈ സംരഭത്തിന് പേരിട്ടിരിക്കുന്നത്. സോഷ്യല്‍ മീഡിയയിലൂടെയാണ് താരം ഈ വാര്‍ത്ത ആരാധകരുമായി പങ്കുവെച്ചത്.
‘എന്റെ പ്രൊഡക്ഷന്‍ ഹൗസായ ട്രലാല മൂവിംഗ് പിക്ചേഴ്സ് പ്രഖ്യാപിക്കുന്നതില്‍ അതിയായ സന്തോഷമുണ്ട്. നമ്മുടെ സാമൂഹിക ഘടനയുടെ കരുത്തും സങ്കീര്‍ണ്ണതയും സംസാരിക്കുന്ന കഥകളെ ക്ഷണിക്കുകയും പ്രോത്സാഹിപ്പിക്കുകയും പരിപോഷിപ്പിക്കുകയും ചെയ്യുന്ന ഒരിടമാവും. ഒപ്പം അര്‍ത്ഥവത്തായതും ആധികാരികവും സാര്‍വത്രികവുമായ കഥകള്‍ പറയാനും സിനിമാപ്രവര്‍ത്തകര്‍ക്കുള്ള ഒരു വേദി.’ സാമന്ത സോഷ്യല്‍ മീഡിയയില്‍ കുറിച്ചു.
A great day for all Sam fans. @Samanthaprabhu2 took her fans by surprise as she announced her production house, Tralala Moving Pictures! ♥️🥳🕺💃#Samantha #SamanthaRuthPrabhu #TralalaMovingPictures #TeamSamantha pic.twitter.com/O4jfuxv1T3
— 𝐓𝐞𝐚𝐦 𝐒𝐚𝐦𝐚𝐧𝐭𝐡𝐚™ (@TeamSamantha__) December 10, 2023
സാമന്ത ഇപ്പോള്‍ അഭിനയത്തില്‍ നിന്നും ഇടവേള എടുത്തിരിക്കുകയാണ്. ഏറ്റവും ഒടുവില്‍ നടന്‍ വിജയ് ദേവരകൊണ്ടക്കൊപ്പം ഖുശി എന്ന ചിത്രത്തിലാണ് സാമന്ത അഭിനയിച്ചത്. സിറ്റാഡലിന്റെ ഇന്ത്യന്‍ പതിപ്പിലാണ് അവര്‍ അടുത്തതായി അഭിനയിക്കുന്നത്. രാജ് & ഡികെ നിര്‍മ്മിച്ച ഈ ചിത്രത്തില്‍ വരുണ്‍ ധവാനും പ്രധാന വേഷത്തില്‍ എത്തുന്നു.
Recent Comments