പൃഥ്വിരാജ് കേന്ദ്രകഥാപാത്രമായി എത്തിയ അന്‍വറിന്റെ റി റിലീസ് ഇന്ന്. അമല്‍ നീരദ് സംവിധാനം ചെയ്ത ചിത്രം 2010 ലായിരുന്നു തീയേറ്ററുകളില്‍ എത്തിയത്. ചിത്രം 4K, ഡോള്‍ബി അറ്റ്‌മോസിലേക്ക് റീമാസ്റ്റര്‍ ചെയ്താണ് ചിത്രം തീയേറ്ററില്‍ എത്തുന്നത്. മലയാളത്തിന് പുറമെ തമിഴിലും ചിത്രം റിലീസ് ചെയ്യും. സെലിബ്‌സ് ആന്റ് റെഡ് കാര്‍പെറ്റിന്റെ ബാനറില്‍ രാജ് സക്കറിയാസ് നിര്‍മ്മിച്ച ചിത്രമാണിത്.
പൃഥ്വിക്ക് പുറമെ പ്രകാശ് രാജ്, ലാല്‍, മംമ്ത മോഹന്‍ദാസ്, അസിം ജമാല്‍, സമ്പത് രാജ്, ജിനു ജോസഫ്, സുധീര്‍ കരമന, സായ് കുമാര്‍, ഗീത, നിത്യ മേനന്‍, സലിം കുമാര്‍, ശ്രീജിത്ത് രവി എന്നിവരും അന്‍വറില്‍ പ്രധാന കഥാപാത്രങ്ങളെ അവതരിപ്പിച്ചിരുന്നു.
പൃഥ്വിരാജിന്റേതായി ആദ്യമായി റി റിലീസ് ചെയ്യുന്ന ചിത്രം കൂടിയാണ് അന്‍വര്‍. മണിച്ചിത്രത്താഴ്, സ്ഫടികം, പാലേരി മാണിക്യം, ദേവദൂതന്‍ തുടങ്ങിയ സിനിമകള്‍ ഇതിനോടകം മലയാളത്തില്‍ റി റിലീസ് ചെയ്തു കഴിഞ്ഞു. ഇനിയും നിരവധി സിനിമകള്‍ പുത്തന്‍ സാങ്കേതികതയില്‍ റിലീസിന് ഒരുങ്ങുകയാണ്.
അമല്‍ നീരദിന്റേതായി ഏറ്റവും ഒടുവില്‍ റിലീസ് ചെയ്ത ബോഗെയ്ന്‍വില്ല തീയേറ്ററുകളില്‍ വിജയകരമായി പ്രദര്‍ശനം തുടരുകയാണ്. ചിത്രത്തില്‍ കുഞ്ചാക്കോ ബോബനും ജ്യോതിര്‍മയിയുമാണ് കേന്ദ്രകഥാപാത്രങ്ങള്‍ അവതരിപ്പിച്ചിരിക്കുന്നത്.
Recent Comments