ഏതാനും ദിവസങ്ങള്‍ക്ക് മുന്‍പാണ് നടന്‍ അജിത് തന്റെ യൂറോപ്യന്‍ ബൈക്ക് പര്യടനം പൂര്‍ത്തിയാക്കി തിരിച്ചെത്തിയത്. താരത്തിന്റെ യൂറോപ്യന്‍ യാത്രയുടെ ചിത്രങ്ങളെല്ലാം ഇതിനോടകംതന്നെ സോഷ്യല്‍ മീഡിയയില്‍ തരംഗമായിരുന്നു.
ബൈക്ക് പര്യടനം പൂര്‍ത്തിയാക്കി വന്നതിനു പിന്നാലെ തൃച്ചിയില്‍ നടക്കുന്ന 47-ാമത് പിസ്റ്റല്‍ ആന്‍ഡ് റൈഫിള്‍ ഷൂട്ടിംഗ് കോംപറ്റീഷനില്‍ പങ്കെടുത്തുകൊണ്ടിരിക്കുകയാണ് അജിത്. കെ.കെ. നഗറിലെ ആംഡ് റിസര്‍വ് ക്യാമ്പസ്സിലാണ് മത്സരങ്ങള്‍ നടക്കുന്നത്. ജൂലൈ 24 മുതല്‍ 31 വരെയാണ് മത്സരം.
2021 ല്‍ നടന്ന മത്സരത്തില്‍ അജിത് ഗോള്‍ഡ് മെഡല്‍ സ്വന്തമാക്കിയിരുന്നു. മുന്‍പ് ദേശിയ തലത്തില്‍ നടന്ന ബിജി4 എസ്പിഎം, എസ്ടിഎം എന്നീ മത്സര ഇനങ്ങളില്‍ 9 ഉം 12 ഉം സ്ഥാനം അദ്ദേഹം സ്വന്തമാക്കിയിരുന്നു.
Recent video of #AjithKumar Sir At Trichy Rifle Club 😎❤#AK61 pic.twitter.com/grvytMniqh
— AJITH MANIA (@AjithMania) July 27, 2022
അജിത്തിന്റെ പുതിയ ചിത്രം സംവിധാനം ചെയ്യുന്നത് എച്ച്. വിനോദാണ്. ‘വലിമൈ’ക്ക് ശേഷം ഇരുവരും ഒന്നിക്കുന്ന ചിത്രംകൂടിയാണിത്. ചിത്രത്തിന്റെ ഷൂട്ടിംഗ് ആഗസ്റ്റില്‍ ആരംഭിക്കും. മഞ്ജു വാര്യരാണ് നായിക. ബോണി കപൂറാണ് ചിത്രം നിര്‍മ്മിക്കുന്നത്.
Recent Comments