മമ്മൂട്ടി ചിത്രം റോഷാക്കിന് ശേഷം നിസാം ബഷീര്‍ സംവിധാനം ചെയ്യുന്ന പുതിയ ചിത്രത്തില്‍ പൃഥ്വിരാജ് നായകന്‍. ഐ നോബഡി എന്ന് പേരിട്ടിരിക്കുന്ന ചിത്രത്തിന്റെ രചന സമീര്‍ അബ്ദുള്‍ നിര്‍വ്വഹിക്കുന്നു. പൃഥ്വിരാജ് പ്രൊഡക്ഷന്‍സ്, ഇ4 എന്റര്‍ടെയ്ന്‍മെന്റ് എന്നീ ബാനറുലകളില്‍ സുപ്രിയ മേനോന്‍, മുകേഷ് ആര്‍ മെഹ്ത, സിവി സാരഥി എന്നിവരാണ് ചിത്രത്തിന്റെ നിര്‍മ്മാണം നിര്‍വ്വഹിക്കുന്നത്. ഗുരുവായൂരമ്പല നടയില്‍ എന്ന ചിത്രത്തിന്റെ വിജയാഘോഷവേദിയിലായിരുന്നു പുതിയ ചിത്രത്തിന്റെ പ്രഖ്യാപനം. ഗുരുവായൂരമ്പല നടയില്‍ എന്ന ചിത്രവും ഇതേ ബാനറില്‍തന്നെ നിര്‍മ്മിച്ചതാണ്.
നിര്‍മ്മാതാവ് എന്നതിനേക്കാള്‍ അഭിേതാവ് എന്ന നിലയില്‍ തന്നെ ആവേശം കൊള്ളിക്കുന്ന ചിത്രമാണിതെന്ന് പൃഥ്വിരാജ് വേദിയില്‍ പറഞ്ഞു. ഇതില്‍ എല്ലാം ഉണ്ട്. ത്രില്ലര്‍ ആണ്, കുറച്ച് ഫാമിലി ഡ്രാമ ഉണ്ട്, കുറച്ച് ഹെയ്സ്റ്റ് ആക്ഷന്‍ ഉണ്ട്. സാമൂഹ്യരാഷ്ട്രീയ മാനവുമുണ്ട്. നിസാം ബഷീര്‍ പറഞ്ഞു.
റോഷാക്കുമായി ഒരു സാമ്യവുമില്ലാത്ത വിഷയമാണ്. പ്രധാനമായും സോഷ്യോ പൊളിറ്റിക്കല്‍ ആണ് ചിത്രം. ഡാര്‍ക് ഹ്യൂമര്‍ കൊണ്ടുവരാനും ശ്രമിച്ചിട്ടുണ്ട്. സമീര്‍ അബ്ദുള്‍ പറയുന്നു. നിസാം ബഷീര്‍ താന്‍ ഏറെ ശ്രദ്ധിക്കുന്ന സംയവിധായകനാണെന്നും പൃഥ്വിരാജ് വേദിയില്‍ പറഞ്ഞു. ചിത്രത്തിലെ മറ്റ് താരനിരയുടെയും സാങ്കേതിക പ്രവര്‍ത്തകരുടെയും പേരുകള്‍ വെളിപ്പെടുത്തിയിട്ടില്ല.
Recent Comments