നര്‍മ്മവും, ഉദ്വേഗവും കൂട്ടിയിണക്കി നവാഗതനായ വിനയ് ജോസ് സംവിധാനം ചെയ്യുന്ന ചിത്രമാണ് ആപ് കൈസേ ഹോ. അജൂസ് എബൗ വേള്‍ഡ് എന്റര്‍ടൈനിന്റെ ബാനറില്‍ മാനുവല്‍ ക്രൂസ്, ഡാര്‍വിന്‍ അംജത്ത് എന്നിവര്‍ ചേര്‍ന്നാണ് ഈ ചിത്രം നിര്‍മ്മിക്കുന്നത്.
മികച്ച വിജയം നേടിയ ലൗ ആക്ഷന്‍ ഡ്രാമ എന്ന ചിത്രത്തിനു ശേഷം ധ്യാന്‍ ശ്രീനിവാസന്‍ തിരക്കഥ രചിക്കുന്ന ചിത്രമെന്ന നിലയിലും ഈ ചിത്രത്തിന്റെ പ്രാധാന്യം ഏറെ വലുതാണ്. ഒരു സംഘം ചെറുപ്പക്കാരുടെ സൗഹൃദത്തിന്റെ തികഞ്ഞ നര്‍മ്മമൂഹൂര്‍ത്തങ്ങളാണ് ചിത്രത്തിന്റെ അവതരണം. ഒരു വിവാഹത്തലേന്നു നടക്കുന്ന ആഘോഷവും അതിനിടയില്‍ അരങ്ങേറുന്ന സംഭവങ്ങളുമാണ് ഈ ചിത്രത്തിലൂടെ അവതരിപ്പിക്കുന്നത്. ഈ സംഭവങ്ങള്‍ പൂര്‍ണ്ണമായും തികഞ്ഞ നര്‍മ്മ മുഹൂര്‍ത്ത ങ്ങളിലൂടെയും ഒപ്പം തില്ലറായും അവതരിപ്പിക്കുന്നു. യൂത്തിന്റെ കാഴ്ച്ചപ്പാടുകള്‍ക്കൊപ്പമാണ് ഈ ചിത്രത്തിന്റെ അവതരണം.
ധ്യാന്‍ ശ്രീനിവാസന്‍, അജു വര്‍ഗീസ്, സൈജുക്കുറുപ്പ്, ദിവ്യദര്‍ശന്‍, തന്‍വി റാം, സുരഭി സന്തോഷ്, ധര്‍മ്മജന്‍ ബോള്‍ഗാട്ടി, രമേഷ് പിഷാരടി, സുധീഷ്, ഇടവേളബാബു, പ്രശസ്ത കോമ്പിയര്‍ ആയ ജീവ എന്നിവരാണ് ചിത്രത്തിലെ പ്രധാന അഭിനേതാക്കള്‍. ഇവര്‍ക്കൊപ്പം ശ്രീനിവാസനും പ്രധാന വേഷത്തിലെത്തുന്നുണ്ട്.
സ്വാതി ദാസിന്റെ ഗാനങ്ങള്‍ക്ക് ഡോണ്‍ വിന്‍സന്റ് സംഗീതവും പശ്ചാത്തല സംഗീതവും പകരുന്നു. അഖില്‍ ജോര്‍ജ് ഛായാഗ്രഹണവും ഒരെതിന്‍ രാധാകൃഷ്ണന്‍ എഡിറ്റിംഗും നിര്‍വ്വഹിക്കുന്നു. കലാസംവിധാനം- അസീസ് കരുവാരക്കുണ്ട്, മേക്കപ്പ്- വിപിന്‍ ഓമശ്ശേരി, കോസ്റ്റ്യും ഡിസൈന്‍-ഷാജി ചാലക്കുടി, ചീഫ് അസ്സോസ്സിയേറ്റ് ഡയറക്ടര്‍- ദിനില്‍ ബാബു, അസ്സോസ്സിയേറ്റ് ഡയറക്ടര്‍- അനൂപ് അരവിന്ദന്‍, സഹ സംവിധാനം- ഡാരിന്‍ ചാക്കോ, ഹെഡ്വിന്‍, ജീന്‍സ്, എക്‌സിക്കുട്ടീവ് പ്രൊഡ്യൂസര്‍- ജൂലിയസ് ആംസ്‌ട്രോങ് (പവി കടവൂര്‍), പ്രൊഡക്ഷന്‍ എക്‌സി ക്കുട്ടീവ്- സഫി ആയൂര്‍, പ്രൊഡക്ഷന്‍ കണ്‍ട്രോളര്‍ സജീവ് ചന്തിരൂര്‍, പി.ആര്‍.ഒ- വാഴൂര്‍ ജോസ്, ഫോട്ടോ- സന്തോഷ് പട്ടാമ്പി.
Recent Comments