മെഗാസ്റ്റാര്‍ മമ്മൂട്ടിയുടെ കടുത്ത ആരാധികയായ ഒരു പെണ്‍കുട്ടിയുടെ ജീവിതം പറയുന്ന നാന്‍സി റാണിയുടെ രണ്ടാമത്തെ പോസ്റ്റര്‍ പുറത്തിറങ്ങി. അഹാന കൃഷ്ണകുമാറും അര്‍ജുന്‍ അശോകനുമാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. നവാഗതനായ ജോസഫ് മനു ജെയിംസാണ് കഥയും സംവിധാനവും നിര്‍വ്വഹിച്ചിക്കുന്നത്. 2004ല്‍ സാബു ജെയിംസ് സംവിധാനം ചെയ്ത ഐആം ക്യൂരിയസ് എന്ന ചിത്രത്തിലൂടെ ബാലതാരമായി സിനിമയിലെത്തിയ മനു ജെയിംസ്, മലയാളം, തെലുങ്ക്, കന്നട, ബോളിവുഡ്, ഹോളിവുഡ് സിനിമകളിലെ പ്രവര്‍ത്തിപരിചയത്തോടെയാണ് സംവിധാനരംഗത്തേയ്‌ക്കെത്തുന്നത്. കൈലാത്ത് ഫിലിംസ്, മനു ജെയിംസ് സിനിമാസ്, പ്രോംപ്റ്റ് പ്രോഡക്ഷന്‍സ് എന്നിവയുടെ ബാനറില്‍ റോയ് സെബാസ്റ്റിയന്‍ കൈലാത്ത്, ജോണ്‍ ഡബ്ല്യു വര്‍ഗീസ്, നൈന മനു ജെയിംസ് എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്.
അജു വര്‍ഗീസ്, ലാല്‍, ശ്രീനിവാസന്‍, മല്ലിക സുകുമാരന്‍, മാമുക്കോയ, സണ്ണി വെയിന്‍, കോട്ടയം പ്രദീപ്, അബു സലീം, ഇന്ദന്‍സ്, ധ്രുവന്‍, തെന്നല്‍, ലെന, ഇര്‍ഷാദ് അലി, അനീഷ് മേനോന്‍, വൈശാഖ് നായര്‍, മാലാ പാര്‍വ്വതി, ജോളി ചിറയത്ത്, നന്ദു പൊതുവാള്‍, ദേവി അജിത്ത്, സുധീര്‍ കരമന, അസീസ് നെടുമങ്ങാട്, സോഹന്‍ സീനുലാല്‍ തുടങ്ങിയ മുപ്പതിലധികം താരങ്ങളുള്‍പ്പെടെ നൂറ്റിമുപ്പതിലധികം പുതുമുഖങ്ങളും നാന്‍സി റാണിയുടെ ഭാഗമാകുന്നുണ്ട്. സിനിമ പഠിക്കാനാഗ്രഹിക്കുന്ന അമ്പതോളം വിദ്യാര്‍ത്ഥികളും പ്രോഡക്ഷന്‍ ടീമിന്റെ ഭാഗമാകുന്നുണ്ട്.
മമ്മൂട്ടിയുടെ കടുത്ത ആരാധികയായി നാന്‍സി റാണി എന്ന തല തെറിച്ച പെണ്‍കുട്ടിയുടെ കഥയാണ് ചിത്രം പറയുന്നത്. അഭിനയമോഹിയായ നാന്‍സിയുടെ സിനിമയിലേക്കെത്തിപ്പെടാനുള്ള പോരാട്ടം തികച്ചും രസകരമായ മുഹൂര്‍ത്തങ്ങളിലൂടെയാണ് ഒരുക്കിയിരിക്കുന്നത്. അമേരിക്ക, ഗ്രീസ്, കോട്ടയം, തിരുവനന്തപുരം, തൊടുപുഴ, മൂന്നാര്‍, വട്ടവട, കുട്ടിക്കാനം എന്നിവടങ്ങളിലായി ചിത്രീകരണം പൂര്‍ത്തിയായി.
ഛായാഗ്രഹണം രാകേഷ് നാരായണന്‍, എഡിറ്റിംഗ് അമിത് സി മോഹനന്‍, സംഗീതം മനു ഗോപിനാഥ്, ടാവോ ഇസാരോ, അമിത് സി മോഹന്‍, നിഹാല്‍ മുരളി, അഭിത് ചന്ദ്രന്‍, സ്റ്റീവ് മാനുവല്‍ ജോമി, മിഥുന്‍ മധു. എക്സിക്യൂട്ടീവ് പ്രൊഡ്യുസേഴ്‌സ് ടോണി നെല്ലിക്കാട്ട്, രജനീഷ് ബാബു, റൈന സുനില്‍. കോ പ്രൊഡ്യൂസേഴ്സ് ജെന്നി ബിജു, അശോക് വി എസ്, ശരത് കൃഷ്ണ, അനൂപ് ഫ്രാന്‍സിസ്, നവല്‍ മോഹന്‍. ചീഫ് അസോസിയേറ്റ് ഡയറക്ടര്‍ ലിജു രാജു, അമിത് സി മോഹനന്‍, അഖില്‍ ബാലന്‍, അനുജിത് നന്ദകുമാര്‍, കൃഷ്ണപ്രസാദ് മുരളി, പ്രൊഡക്ഷന്‍ കണ്ട്രോളര്‍ ശശി പൊതുവാള്‍, മേക്കപ്പ് മിട്ട ആന്റണി, കോസ്റ്റിയൂം കൃഷ്ണപ്രസാദ് മുരളി, ബിജു. വിഎഫ്എക്സ് ഉജിത്ത് ലാല്‍, ആര്‍ട്ട് പ്രഭ കൊട്ടാരക്കര എന്നിവരാണ് അണിയറ പ്രവര്‍ത്തകര്‍. ഡിസംബറില്‍ ചിത്രം തിയേറ്ററുകളിലെത്തും.
Recent Comments