അജിത് കുമാറിനെ നായകനാക്കി ആദിക് രവിചന്ദ്രന്‍ സംവിധാനം ചെയ്യുന്ന ചിത്രമാണ് ഗുഡ് ബാഡ് അഗ്ലി. ചിത്രത്തിന്റെ ഫസ്റ്റ് ലുക്ക് പോസ്റ്റര്‍ പുറത്തുവിട്ടു. ഒരേ ഗെറ്റപ്പില്‍ അജിത്ത് കുമാറിന്റെ മൂന്ന് ചിത്രങ്ങളുല്‍പ്പെടുത്തിയുള്ള ഒരു കളര്‍ഫുള്‍ പോസ്റ്ററാണ് പുറത്തിറക്കിയിരിക്കുന്നത്. ചിത്രീകരണം പുരോഗമിക്കുന്ന സിനിമയുടെ റിലീസ് 2025 പൊങ്കലിനായിരിക്കുമെന്നും പോസ്റ്ററില്‍ സൂചിപ്പിക്കുന്നുണ്ട്. അജിത് കുമാറിന്റെ 63-ാമത്തെ ചിത്രമാണ് ഗുഡ് ബാഡ് അഗ്ലി.
വിഷാല്‍ ചിത്രം മാര്‍ക്ക് ആന്റണിയുടെ വിജയത്തിനുശേഷം ആദിക് രവിചന്ദ്രന്‍ സംവിധാനം ചെയ്യുന്ന ചിത്രം മൈത്രി മൂവി മേക്കേഴ്‌സാണ് നിര്‍മ്മിക്കുന്നത്. നിലവില്‍ ഷൂട്ടിംഗ് ഹൈദരാബാദില്‍ പുരോഗമിക്കുകയാണ്. അജിത് ഉള്‍പ്പെടുന്ന ആക്ഷന്‍ സീക്വന്‍സിന്റെ ചിത്രീകരണമാണ് ഹൈദരാബാദില്‍ പ്രധാനമായും നടന്നത്. പതിവുപോലെ ഡ്യൂപ്പിനെ ഒഴിവാക്കിക്കൊണ്ടാണ് സംഘട്ടന രംഗങ്ങൡ അജിത് പങ്കെടുത്തത്.
Expect the unexpected!#GoodBadUgly In Cinemas Pongal 2025 🔥
Shooting in Progress!
#AjithKumar @MythriOfficial @Adhikravi @ThisIsDSP @AbinandhanR @editorvijay @GoodBadUglyoffl @supremesundar #Kaloianvodenicharov #Anuvardhan @valentino_suren @Donechannel… pic.twitter.com/NELBY9jNFt— Suresh Chandra (@SureshChandraa) May 19, 2024
ഛായാഗ്രഹണം അഭിനന്ദന്‍ രാമാനുജം, സംഗീതം ദേവിശ്രീ പ്രസാദ്, എഡിറ്റര്‍ വിജയ് വേലുക്കുട്ടി. അജിത് കുമാറിന്റേതായി മറ്റൊരു ചിത്രം വിടാമുയര്‍ച്ചി അണിയറയില്‍ പുരോഗമിക്കുകയാണ്. തൃഷയാണ് നായിക. മഗിഴ് തിരുമേനിയാണ് രചനയും സംവിധാനവും നിര്‍വ്വഹിച്ചിരിക്കുന്നത്. ലൈക്ക പ്രൊഡക്ഷന്‍സാണ് നിര്‍മ്മാണം. അനിരുദ്ധ് രവിചന്ദറാണ് സംഗീതം നല്‍കിയിരിക്കുന്നത്.
Recent Comments