അജിത്തിനെ നായകനാക്കി എച്ച്. വിനോത്ത് രചനയും സംവിധാനവും നിര്‍വ്വഹിച്ച ഏറ്റവും പുതിയ ചിത്രമായ വലിമൈയിലെ ലിറിക്കല്‍ ഗാനം പുറത്തിറങ്ങി. ‘നാങ്ക വേറമാരി’ എന്ന് തുടങ്ങുന്ന ഗാനമാണ് പുറത്തിറങ്ങിയത്. വിഗ്നേഷ് ശിവന്റെ വരികള്‍ക്ക് യുവന്‍ ശങ്കര്‍രാജ ഈണം നല്‍കി യുവന്‍ ശങ്കര്‍ രാജയും അനുരാഗ് കുല്‍കര്‍ണിയും ചേര്‍ന്ന് ഫെസ്റ്റിവല്‍ മൂഡിലുള്ള ഈ മനോഹര ഗാനം ആലപിച്ചിരിക്കുന്നു.
അജിത്തിനെ കൂടാതെ ഹുമ ഖുറേഷി, കാര്‍ത്തികേയ, ബനി, സുമിത്ര, അച്യുന്ത് കുമാര്‍, യോഗി ബാബു, രാജ് അയ്യപ്പ, പുകള്‍ തുടങ്ങിയവരും ഈ ചിത്രത്തില്‍ അണിനിരക്കുന്നു.
സീ സ്റ്റുഡിയോസും ബോണി കപൂറും ചേര്‍ന്നാണ് ചിത്രം നിര്‍മ്മിക്കുന്നത്. നീരവ് ഷായാണ് ഛായാഗ്രാഹകന്‍. വിജയ് വേലുക്കുട്ടി എഡിറ്റിംഗും കലാസംവിധനം കെ. കാദിറും നിര്‍വ്വഹിച്ചിരിക്കുന്നു. കോസ്റ്റിയൂം ഡിസൈനര്‍ അനു വര്‍ദ്ധന്‍, സംഘട്ടനം ദിലിപ് സുബ്ബറായന്‍, എക്‌സിക്യൂട്ടീവ് പ്രൊഡ്യൂസര്‍ പി ജയരാജ് എന്നിവരാണ് മറ്റ് അണിയറപ്രവര്‍ത്തകര്‍.
Recent Comments